രാജ്യത്ത് ഇന്ധന വിലയില് നേരിയ വര്ധന. പെട്രോള് ലീറ്ററിന് 86 പൈസയും ഡീസല് ലീറ്ററിന് 83 പൈസയും വര്ധിപ്പിച്ചു. കൊച്ചിയില് പെട്രോളിന് 109 രൂപ 73 പൈസയും ഡീസലിന് 98 രൂപ 53 പൈസയുമായി. ഒരാഴ്ചയ്ക്കിടെ രണ്ടാമത്തെ വില വര്ധനവാണിത്.
പുതിയ വർധനവോടെ ന്യൂഡൽഹിയിൽ പെട്രോൾ വില ലീറ്ററിന് 94.77 രൂപയിൽ നിന്ന് 97.77 രൂപയായും, ഡീസൽ വില 87.67 രൂപയിൽ നിന്ന് 90.67 രൂപയായും ഉയർന്നു. കൊച്ചിയിൽ പെട്രോളിനു 109.73 രൂപയും ഡീസലിനു 98.63 രൂപയുമാണ് പുതിയ നിരക്ക്.
അതേസമയം, രാജ്യത്ത് ഇന്ധന ക്ഷാമം ഇല്ലെന്ന് ആവര്ത്തിച്ച് കേന്ദ്രം. അസംസ്കൃത എണ്ണ, പിഎന്ജി, എല്പിജി എന്നിവ മതിയായ അളവില് ലഭ്യമെന്നാണ് കേന്ദ്രസര്ക്കാര് വാദം. ഹോര്മുസ് കടലിടുക്കിലെ സ്ഥിതി സാധാരണ നിലയിലായിട്ടില്ലെന്നും അന്താരാഷ്ട്ര വിപണിയില് അസംസ്കൃത എണ്ണ, പ്രകൃതിവാതകം, എല്പിജി എന്നിവയുടെ വിലയില് കുത്തനെ വര്ധനയുണ്ടായെന്നും പെട്രോളിയം മന്ത്രാലയം ജോയിന്റ് സെക്രട്ടറി സുജാത ശര്മ്മ പറഞ്ഞു.
