Author: PalaVartha Editor

ഈരാറ്റുപേട്ട: ജനമൈത്രി പോലീസ് ജനപങ്കാളിത്തത്തോടുകൂടി പൂഞ്ഞാര്‍ പഞ്ചായത്തില്‍ പനച്ചിപ്പാറയില്‍ നിര്‍മ്മിച്ച വീടിന്റെ താക്കോല്‍ദാനം വെള്ളിയാഴ്ച (ഇന്ന്) വൈകിട്ട് 5 മണിക്ക് പാലാ ഡി.വൈ.എസ്.പി. ഓഫീസില്‍ വച്ച് നടക്കും. വിധവയായ ഉഷചേച്ചിക്ക് സഹോദരനും അമ്മയും നല്കിയ 3 സെന്റ് സ്ഥലത്താണ് ജനമൈത്രി പോലീസ് ഭവനം പണിതത്. പൊതുജനപങ്കാളിത്തത്തിന്റെ ഭാഗമായി ബ്രില്യന്റ് സ്റ്റഡി സെന്റര്‍ ഡയറക്ടര്‍ ജോര്‍ജ്ജ് തോമസിന്റെ പൂര്‍ണ്ണ സഹകരണത്തോടെ ഈരാറ്റുപേട്ട ജനമൈത്രി പോലീസാണ് ഭവനം പൂര്‍ണ്ണമായും പണിതീര്‍ത്തത്. എസ്.എച്ച്.ഒ. പ്രസാദ് എബ്രഹാം വര്‍ഗ്ഗീസ്, എസ്.ഐ. അനുരാജ് എം.എച്ച്. എന്നിവരുടെ നേതൃത്വത്തില്‍ ജനമൈത്രി ബീറ്റ് ഓഫീസര്‍മാരായ എ.എസ്.ഐ. ബിനോയി തോമസ്, സി.പി.ഒ. ദിലീപ് എന്നിവരാണ് നിര്‍മ്മാണ പ്രവര്‍ത്തനങ്ങളുടെ മേല്‍നോട്ടം വഹിച്ചത്. ഈരാറ്റുപേട്ട ജനമൈത്രി പോലീസ് ഉഷയ്ക്ക് നല്കുന്ന കോവിഡ് കാലത്തെ ഓണസമ്മാനമാണ് ഈ വീട്. ഈരാറ്റുപേട്ടയില്‍ കോവിഡ് രൂക്ഷമായ സാഹചര്യത്തില്‍ മലയോരമേഖലയില്‍ ഉള്‍പ്പെടെ ജനമൈത്രി പോലീസ് നേരിട്ട് ഭവന സന്ദര്‍ശനം നടത്തുകയും ഫോണ്‍ മുഖേന ബന്ധപ്പെടുകയും ചെയ്ത് കുടുംബങ്ങള്‍ക്ക് ആവശ്യമായ ഭക്ഷ്യണം, മരുന്ന്,…

Read More

കോട്ടയം, ആലപ്പുഴ, പത്തനംതിട്ട ജില്ലകൾ ഉൾപ്പെട്ട ലയൺസ് ഡിസ്ട്രിക്ട് 318 ബി യുടെയും പാലാ അൽഫോൻസാ കോളേജ് NSS ന്റെയും സംയുക്താഭിമുഖ്യത്തിൽ, അദ്ധ്യാപകർക്കായി ഒരു മെഗാ വെബിനാർ സംഘടിപ്പിക്കുന്നു. കേരളത്തിലെ വിവിധ സ്കൂളുകളിലെയും കോളേജുകളിലെയും ആയിരത്തോളം അദ്ധ്യാപകർ പങ്കെടുക്കും. ആഗസ്റ്റ് 8 ന് ഉച്ചകഴിഞ്ഞ് 2 മണിക്ക്, കോളേജ് പ്രിൻസിപ്പാൾ റവ. ഡോ. സി. റെജീനാമ്മ ജോസഫിന്റെ അദ്ധ്യക്ഷതയിൽ ചേരുന്ന യോഗത്തിൽ ആരോഗ്യവകുപ്പ് മുൻമന്ത്രിയും കൂത്തുപറമ്പ് MLA യുമായ ബഹു. K.K. ഷൈലജ ടീച്ചർ പരിപാടിയുടെ ഉദ്ഘാടനം നിർവഹിക്കുന്നതാണ്. ലയൺസ് ഡിസ്ട്രിക്ട് 318 ബി യുടെ ഗവർണർ ശ്രീ. പ്രിൻസ് സ്കറിയ ആമുഖപ്രഭാഷണം നടത്തും. ഇന്റർനാഷണൽ ട്രെയിനർ ആയ പ്രൊഫ. വർഗീസ് വൈദ്യൻ ക്ലാസ്സ്‌ നയിക്കും. MG യൂണിവേഴ്സിറ്റിയിലെ NSS പ്രോഗ്രാം കോർഡിനേറ്റർ ഡോ. രേഖാ രാജ്, കോളേജ് ബർസാർ റവ. ഡോ. ജോസ് പുലവേലിൽ, യൂത്ത് എംപവർമെന്റ് ഡിസ്ട്രിക്ട് കോർഡിനേറ്റർ ശ്രീ. സിബി മാത്യു പ്ലാത്തോട്ടം, NSS പ്രോഗ്രാം ഓഫീസർ…

Read More

പാലാ: നിയമസഭയിൽ അഴിഞ്ഞാട്ടം നടത്തിയ മന്ത്രി വി.ശിവൻകുട്ടി സുപ്രീം കോടതി വിധിയുടെ വെളിച്ചത്തിൽ മന്ത്രി സ്ഥാനത്തു നിന്നും സ്വയം മാറി നിൽക്കാൻ രാഷ്ട്രീയ മാന്യത കാട്ടണമെന്നും അല്ലെങ്കിൽ മുഖ്യമന്ത്രി അദ്ദേഹത്തെ പുറത്താക്കണമെന്നും കേരളാ കോൺഗ്രസ് സെക്രട്ടറി ജനറൽ ജോയി എബ്രഹാം Ex.MP ആവശ്യപ്പെട്ടു. സുപ്രീം കോടതി വിധി അക്രമസംഭവങ്ങൾക്ക് എതിരായിട്ടും കൈയ്യും കെട്ടി അനുകൂലിക്കേണ്ടി വന്നത് കേരള കോൺഗ്രസ് (എം) ൻ്റെ രാഷ്ട്രീയ പാപ്പരത്തമാണെന്നും അദ്ദേഹം പറഞ്ഞു മന്ത്രി ശിവൻകുട്ടി രാജിവയ്ക്കണമെന്നാവശ്യപ്പെട്ട് യുഡിഎഫ് പാലാ നിയോജക മണ്ഡലം കമ്മറ്റി പാലാ സിവിൽ സ്റ്റേഷൻ പടിക്കൽ നടത്തിയ ധർണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം . കോൺഗ്രസ് പാലാ ബ്ലോക്ക് പ്രസിഡൻ്റ് പ്രൊഫ.സതീശ് ചൊള്ളാനി അദ്ധ്യക്ഷത വഹിച്ചു. ഏ.കെ ചന്ദ്രമോഹൻ, റോയി മാത്യു എലിപ്പുലിക്കാട്ട്, ജോർജ് പുളിങ്കാട്, ജോഷി പുതുമന, സി.റ്റി രാജൻ, തോമസ് ഉഴുന്നാലിൽ, കെ.റ്റി ജോസഫ്,ക്ലീറ്റസ് ഇഞ്ചിപ്പറമ്പിൽ, രാജൻ കൊല്ലംപറമ്പിൽ ,സന്തോഷ് കാവുകാട്ട് ,ബിജോയി എബ്രാഹം, ഷോജി ഗോപി, ബിബിൻരാജ്,…

Read More

കോട്ടയം ജില്ലയില്‍ 1241 പേര്‍ക്കു കൂടി കോവിഡ് സ്ഥിരീകരിച്ചു. 1014 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ മൂന്ന് ആരോഗ്യ പ്രവര്‍ത്തകരും ഉള്‍പ്പെടുന്നു.സംസ്ഥാനത്തിനു പുറത്തു നിന്നെത്തിയ 27 പേര്‍ രോഗബാധിതരായി. പുതിയതായി 10327 പരിശോധനാഫലങ്ങളാണ് ലഭിച്ചത്. ടെസ്റ്റ് പോസിറ്റിവിറ്റി 12.01 ശതമാനമാണ്.രോഗം ബാധിച്ചവരില്‍ 554 പുരുഷന്‍മാരും 535 സ്ത്രീകളും 152 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 194 പേര്‍ക്ക് കോവിഡ് സ്ഥിരീകരിച്ചിട്ടുണ്ട്. 877 പേര്‍ രോഗമുക്തരായി. 7395 പേരാണ് നിലവില്‍ ചികിത്സയിലുള്ളത്. ഇതുവരെ ആകെ 223934 പേര്‍ കോവിഡ് ബാധിതരായി. 213998 പേര്‍ രോഗമുക്തി നേടി. ജില്ലയില്‍ ആകെ 37655 പേര്‍ ക്വാറന്റയിനില്‍ കഴിയുന്നുണ്ട്. രോഗം ബാധിച്ചവരുടെ തദ്ദേശഭരണ സ്ഥാപന അടിസ്ഥാനത്തിലുള്ള വിവരം ചുവടെ കോട്ടയം-110കാഞ്ഞിരപ്പള്ളി-39തൃക്കൊടിത്താനം-38അതിരമ്പുഴ-35 മാടപ്പള്ളി-34പാറത്തോട്, ഭരണങ്ങാനം-33മുത്തോലി, ഈരാറ്റുപേട്ട-32ചങ്ങനാശേരി-30പുതുപ്പള്ളി-29 അയ്മനം, ചിറക്കടവ്, മുണ്ടക്കയം-28രാമപുരം-27ഏറ്റുമാനൂര്‍-26എരുമേലി, പനച്ചിക്കാട്-25പാമ്പാടി, അയര്‍ക്കുന്നം-23 വൈക്കം-22തിരുവാര്‍പ്പ്, കരൂര്‍-20കുറവിലങ്ങാട്-19നീണ്ടൂര്‍, തിടനാട്, കുമരകം-18മരങ്ങാട്ടുപിള്ളി-17 കടുത്തുരുത്തി, മണര്‍കാട്-16കടപ്ലാമറ്റം, കൊഴുവനാല്‍, വിജയപുരം, പാലാ-15പായിപ്പാട്, വാകത്താനം-14കുറിച്ചി, വാഴപ്പള്ളി, മറവന്തുരുത്ത്-13 കല്ലറ, കിടങ്ങൂര്‍-12തീക്കോയി, മണിമല-11തലയോലപ്പറമ്പ്,…

Read More

മലപ്പുറം 4276, തൃശൂര്‍ 2908, എറണാകുളം 2702, കോഴിക്കോട് 2416, പാലക്കാട് 2223, കൊല്ലം 1836, ആലപ്പുഴ 1261, കോട്ടയം 1241, കണ്ണൂര്‍ 1180, തിരുവനന്തപുരം 1133, കാസര്‍ഗോഡ് 789, വയനാട് 787, പത്തനംതിട്ട 584, ഇടുക്കി 340 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,99,456 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 11.87 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്‍., ആര്‍.ടി. എല്‍.എ.എം.പി., ആന്റിജന്‍ പരിശോധന എന്നിവ ഉള്‍പ്പെടെ ഇതുവരെ ആകെ 2,77,15,059 സാമ്പിളുകളാണ് പരിശോധിച്ചത്. കഴിഞ്ഞ ദിവസങ്ങളിലുണ്ടായ 148 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 17,103 ആയി. ഇന്ന് രോഗം സ്ഥിരീകരിച്ചവരില്‍ 105 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 22,530 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 927 പേരുടെ സമ്പര്‍ക്ക ഉറവിടം വ്യക്തമല്ല. മലപ്പുറം 4219, തൃശൂര്‍…

Read More

കോട്ടയം ജില്ലയിലെ പട്ടിക വര്‍ഗ വിദ്യാര്‍ഥികള്‍ക്ക് ഓണ്‍ലൈന്‍ പഠനത്തിന് സാങ്കേതിക സഹായം നല്‍കുന്നതിനും മേല്‍നോട്ടം നിര്‍വഹിക്കുന്നതിനും 58 ഓണ്‍ലൈന്‍ ഫെസിലിറ്റേറ്റര്‍മാരെ മൂന്ന് മാസത്തേക്ക് നിയമിക്കുന്നു. പ്ലസ് ടു മുതല്‍ യോഗ്യതയുള്ള പട്ടികവര്‍ഗ വിഭാഗത്തില്‍പ്പെട്ടവര്‍ക്ക് അപേക്ഷിക്കാം. പ്രായപരിധി 21-35. വെള്ളക്കടലാസില്‍ തയ്യാറാക്കിയ അപേക്ഷ, യോഗ്യതാ സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ് , മേല്‍വിലാസം തെളിയിക്കുന്ന രേഖയുടെ പകര്‍പ്പ് എന്നിവ ജൂലൈ 31ന് വൈകുന്നേരം അഞ്ചിനകം വൈക്കം, മേലുകാവ് , പുഞ്ചവയല്‍ ട്രൈബല്‍ എക്സ്റ്റന്‍ഷന്‍ ഓഫീസുകളില്‍ നല്‍കണം.ഫോണ്‍: 04828- 202751

Read More

ഭരണങ്ങാനം:വിശുദ്ധ അൽഫോൻസാമ്മയുടെ സ്വർഗ്ഗ പ്രവേശനത്തിന്റെ പ്ലാറ്റിനം ജൂബിലി ആഘോഷ വേളയിൽ എഫ്.സി.സി. ഭരണങ്ങാനം അൽഫോൻസാ ജ്യോതി പ്രോവിൻസ് തിരുന്നാൾ ദിനമായ ജൂലൈ 28-ന് ഭരണങ്ങാനം സെന്റ് അൽഫോൻസാ തീർത്ഥാടന ദേവാലയത്തിൽ വച്ച് 75 കുട്ടികൾക്ക് 10000 രൂപ വച്ച് സ്കോളർഷിപ്പ് നല്കുന്നത്തിന്റെ വിതരണ ഉദ്ഘാടനം അഭിവന്ദ്യ കർദ്ദിനാൾ മാർ ജോർജ്ജ് ആലഞ്ചേരി നിർവഹിച്ചു. പാലാ രൂപതാദ്ധ്യക്ഷൻ മാർ ജോസഫ് കല്ലറങ്ങാട്ട്, തീർത്ഥാടന കേന്ദ്രം റെക്ടർ വെരി. റവ ഫാ ജോസ് വള്ളോം പുരയിടം, എഫ്. സി. സി ഭരണങ്ങാനം പ്രൊവിൻഷ്യൽ സുപ്പീരിയർ സി. ആനി കല്ലറങ്ങാട്ട്, കൗൺസിലർ സി. അൻസീലിയ എന്നിവർ സന്നിഹിതരായിരുന്നു.

Read More

നഗരസഭയിലെ തിരഞ്ഞെടുത്ത പട്ടികജാതി പട്ടികവർഗ്ഗ വിദ്യാർത്ഥികൾക്ക് ഇന്ന് ലാപ്ടോപ്പ് വിതരണം ചെയ്യുമെന്ന് മുനിസിപ്പൽ ചെയർമാൻ ആൻ്റോ ജോസ് പടിഞ്ഞാറേക്കര അറിയിച്ചു. ഇന്ന് 3-ന് അടിയന്തിര കൗൺസിൽ യോഗത്തിനു ശേഷമാണ് ലാപ്‌ടോപ്പ് വിതരണം. നഗരസഭയിൽ 2020- 21 വർഷത്തെ പദ്ധതി വിഹിതത്തിൽ ഉൾപ്പെടുത്തിയെങ്കിലും പൂർത്തീകരിക്കാൻ കഴിയാത്ത 81 പദ്ധതികൾ 2021- 22 വർഷത്തേക്ക് നീട്ടുന്നതിന് കൗൺസിലിൻ്റെ അനുവാദം വാങ്ങാനാണ് ഇന്നത്തെ അടിയന്തിര കൗൺസിൽ യോഗമെന്നും ചെയർമാൻ അറിയിച്ചു.

Read More

മരങ്ങാട്ടുപിള്ളി: വാക്‌സിൻ വിതരണത്തിലെ സ്വജനപക്ഷപാതവും ക്രമക്കേടും അഴിമതിയും അവസാനിപ്പിക്കണമെന്നാവശ്യപ്പെട്ട് മണ്ഡലം കോൺഗ്രസ് കമ്മിറ്റി മരങ്ങാട്ടുപിള്ളി പഞ്ചായത്ത് ഓഫീസിനു മുന്നിൽ ധർണ്ണ നടത്തി. ഭരണകക്ഷി മെമ്പർമാർ സ്വന്തം പാർട്ടിക്കാർക്കും ബന്ധുക്കൾക്കും പിൻവാതിലിലൂടെ വാക്‌സിൻ സംഘടിപ്പിച്ചു കൊടുക്കുന്നതിലാണ് പ്രതിഷേധം. ബുക്കിങ് ഇല്ലാതെ രണ്ടാം ഡോസുകാർക്ക് വിതരണം ചെയ്യേണ്ട വാക്‌സിനാണ് ഇഷ്ടക്കാർക്കും ബന്ധുക്കൾക്കും മറിച്ചു കൊടുക്കുന്നത്. ഒന്നാം ഡോസ് സ്വീകരിച്ചു നൂറു ദിവസം കഴിഞ്ഞിട്ടും രണ്ടാം ഡോസ് കിട്ടാതെ ആളുകൾ നട്ടം തിരിയുമ്പോഴാണ് ഇത്തരം ക്രമക്കേട്. ഒന്നാം ഡോസ് ബുക്കിങിന് ശ്രമിക്കുന്നവർക്ക് വിദൂര പ്രദേശങ്ങളിലാണ് അപൂർവ്വമായെങ്കിലും സ്ലോട്ട് കിട്ടുന്നത്. വാക്‌സിൻ വിതരണത്തിലെ ക്രമക്കേടുകൾ അവസാനിപ്പിക്കണമെന്നാവശ്യപ്പെട്ട് നടത്തിയ പ്രതിഷേധ ധർണ്ണ KSU ജില്ലാ പ്രസിഡന്റ് ജോർജ് പയസ് ഉദ്‌ഘാടനം ചെയ്തു. മണ്ഡലം പ്രസിഡന്റ് മാർട്ടിൻ പന്നിക്കോട്ട്, മാത്തുക്കുട്ടി പുളിക്കിയിൽ, ജോസ് ജോസഫ് പി, ഫ്രാൻസിസ് മരങ്ങാട്ടുപിള്ളി, സണ്ണി വടക്കേടം, കെ ആർ ഹരിക്കുട്ടൻ, സണ്ണി മുളയോലിൽ, ഷൈൻ കൈമളേട്ട്, ചന്ദ്രൻ മലയിൽ, ബേബി ഈന്തുംതോട്ടം തുടങ്ങിയവർ നേതൃത്വം…

Read More

ഇ- ഇന്‍വോയ്‌സ് ഇല്ലാതെ കൊണ്ടുവന്ന 2.94 കോടി രൂപയുടെ 6.33 കിലോഗ്രാം സ്വര്‍ണ്ണാഭരണങ്ങള്‍ തിരുവനന്തപുരം ജില്ലയിലെ ആറ്റിങ്ങലില്‍ നിന്ന് ജി. എസ്. റ്റി ഇന്റലിജന്‍സ് മൊബൈല്‍ സ്‌ക്വാഡ് നമ്പര്‍ 1 പിടികൂടി. ബംഗ്ളുരുവില്‍ നിന്ന് തിരുവനന്തപുരത്തെക്ക് കൊണ്ട് വന്ന സ്വര്‍ണ്ണം വാഹന പരിശോധനയ്ക്കിടെയാണ് 19-07-21 ന് അറ്റിങ്ങലില്‍ നിന്ന് പിടികൂടിയത്. സെക്ഷന്‍ 129 പ്രകാരം നോട്ടീസ് നല്‍കി നികുതി, പിഴ ഇനങ്ങളിലായി 17.66 ലക്ഷം രൂപ ഈടാക്കി. സ്റ്റേറ്റ് ടാക്‌സ് ഓഫീസര്‍ (ഇന്റലിജന്‍സ് ) വിനു. എ. എസ് ന്റെ നേതൃത്വത്തില്‍ അസിസ്റ്റന്റ് സ്റ്റേറ്റ് ടാക്‌സ് ഓഫീസര്‍മാരായ പ്രവീണ്‍. ജെ. ആര്‍, പ്രശാന്ത്. എസ്, സുനിത. ഒ. സി ജീവനക്കാരനായ രതീഷ് എന്നിവരാണ് പരിശോധന നടത്തിയത്.

Read More