പാലാ: കൊച്ചിടപ്പാടി മുളയ്ക്കൽ സിറിളിന്റെ ഭാര്യ ജോമ സിറിൾ (41) അന്തരിച്ചു. മൃതദേഹം ഇന്ന് വൈകുന്നേരം 5ന് മൂന്നാനി ഐഎംഎ ജംക്ഷനിലുള്ള വസതിയിൽ കൊണ്ടുവരും. സംസ്കാരം നാളെ 4ന് വസതിയിൽ ശുശ്രൂഷയ്ക്ക് ശേഷം കവീക്കുന്ന് സെന്റ് അപ്രേം പള്ളിയിൽ. കോരുത്തോട് കൊച്ചുപുരയ്ക്കൽ കുടുംബാംഗമാണ്. മക്കൾ: എഡ്വിൻ സിറിൾ, ഇവാന മരിയ സിറിൾ.
ഈരാറ്റുപേട്ട :വലിയ വീട്ടിൽ ഇബ്രാഹിം കുട്ടി (75) അന്തരിച്ചു. ഭാര്യ: സഫിയ നാകുന്നത്ത് കുടുംബാംഗം. മക്കൾ: നാസറുദ്ദിൻ,ഷൈല, സൈറ, സൗമി, സമദ്, തൽഹത്ത്. മരുമക്കൾ: സലീം, ഷിഹാബ്, അനസ് നാസർ (കോൺഗ്രസ് മണ്ഡലം പ്രസിഡൻ്റ്), ഷാഹിദ, ഷാഹിന, ജസ്ന. ഖബറടക്കം ശനിയാഴ്ച 10 മണിക്ക് ഈരാറ്റുപേട്ട നൈനാർ മസ്ജിദ് ഖബർസ്ഥാനിൽ.
കടുത്തുരുത്തി മുൻ എം.എൽ.എ പി.എം. മാത്യൂ അന്തരിച്ചു. കരൾ രോഗത്തെ തുടർന്ന് പാലയിലെ ആശുപത്രിയിൽ ചികിത്സയിലിരിക്കെയാണ് അന്ത്യം. ഇന്ന് രാവിലെയാണ് മരണം സംഭവിച്ചത്. സംസ്കാരം നാളെ വീട്ടുവളപ്പിൽ നടക്കുമെന്നാണ് വിവരം. കേരള കോൺഗ്രസ് എമ്മിലൂടെയാണ് രാഷ്ട്രീയം ആരംഭിച്ചത്. യൂത്ത് ഫ്രണ്ട്, കെ.എസ്.സി തുടങ്ങിയ സംഘടനകളുടെ സംസ്ഥാന അധ്യക്ഷനായിരുന്നു. ഒരുകാലത്ത് കെഎം മാണിയുടെ വിശ്വസ്തനായിരുന്ന അദ്ദേഹം പിന്നീട് ജേക്കബ് ഗ്രൂപ്പിലേക്ക് മാറി. കേരള കോൺഗ്രസ് ജേക്കബ് വിഭാഗം മുൻ ചെയർമാനായിരുന്നു. അവസാനകാലത്ത് ജോസഫ് വിഭാഗം സഹയാത്രികനായി.
