മണ്ണാറപ്പാറ: ലയൺസ് ക്ലബ്സ് ഇന്റർനാഷണൽ ഡിസ്ട്രിക്റ്റ് 318 ബിയുടെ യുവജന ശാക്തീകരണ പരിപാടിയുടെ ഭാഗമായി ലയൺസ് ക്ലബ് ഓഫ് മാഞ്ഞൂർ – മണ്ണാറപ്പാറ എസ് എം വൈ എം യൂണിറ്റ് സംയുക്തമായി S H മെഡിക്കൽ സെന്ററിന്റെ സഹായത്തോട് കൂടി രക്തദാന ക്യാമ്പ് മണ്ണാറപ്പാറ സെൻ്റ്.സേവിയേഴ്‌സ് പള്ളിയിൽ വച്ചു നടത്തപ്പെട്ടു.
മാഞ്ഞൂർ പഞ്ചായത്ത് പ്രസിഡൻ്റ് ശ്രീമതി കോമളവല്ലി രവീന്ദ്രൻ ഉദ്ഘാടനം ചെയ്തു. അമ്പതോളം സന്നദ്ധ പ്രവർത്തകർ രക്തം ദാനം ചെയ്തു. എസ് എം വൈ എം യൂണിറ്റ് ഡയറക്ടർ ഫാ. മൈക്കിൾ ചാത്തംകുന്നേൽ അധ്യക്ഷത വഹിച്ച ചടങ്ങിൽ ഇടവക വികാരി ഫാ. അബ്രഹം കുപ്പപുഴക്കൽ സന്നിഹിതനായിരുന്നു.
ശ്രീ ഷിബു തെക്കേമറ്റം ബോധവത്കരണ പ്രസംഗം നടത്തി. ശ്രീ സിബി മാത്യു പ്ലാത്തോട്ടം, ആൻ്റണി കുര്യാക്കോസ്, നിഖിൽ പി ഷാജു, ഐവിൻ ജയിംസ് എന്നിവർ ആശംസകളർപ്പിച്ചു സംസാരിച്ചു.
