ഈരാറ്റുപേട്ട: മണ്ണിടിച്ചിൽ, വെള്ളപ്പൊക്കം, പാമ്പുകടി തുടങ്ങിയ പ്രകൃതിദുരന്തസാധ്യതകൾ ഏറെയുള്ള ഒരു പ്രദേശമാണ് ഈരാറ്റുപേട്ട. അത്യാഹിത ഘട്ടങ്ങളിൽ കൃത്യസമയത്ത് വൈദ്യസഹായം ഉറപ്പാക്കുക, അടിയന്തര സാഹചര്യങ്ങളെ നേരിടാനുള്ള പ്രാദേശിക ശേഷി വർദ്ധിപ്പിക്കുക എന്നീ ലക്ഷ്യങ്ങളോടെയാണ് ഈരാറ്റുപേട്ട സൺറൈസ് ഹോസ്പിറ്റൽ പൊതുജനങ്ങൾക്കായി ‘One-Point Contact for Medical Emergencies and Trauma Care’ എന്ന പുതിയ പദ്ധതി കൊണ്ടുവരുന്നത്.
ഈരാറ്റുപേട്ട സൺറൈസ് ഹോസ്പിറ്റലിൽ വെച്ച് പൂഞ്ഞാർ നിയോജകമണ്ഡലം എം.എൽ.എ. അഡ്വ. സെബാസ്റ്റിയൻ എം. ജെ.-യുടെ അധ്യക്ഷതയിൽ കൂടിയ ഔദ്യോഗിക ചടങ്ങിൽ ഈ പദ്ധതിയുടെ ഉദ്ഘാടനം ബഹുമാനപ്പെട്ട ആഭ്യന്തര വകുപ്പ് മന്ത്രി ശ്രീ. രമേശ് ചെന്നിത്തല നിർവഹിച്ചു. പ്രസ്തുത യോഗത്തിൽ സൺറൈസ് ഹോസ്പിറ്റൽ സി.ഒ.ഒ. ശ്രീ. സോനു, സീനിയർ മാനേജർ ശ്രീ. പ്രജീഷ് ജി. എന്നിവർ ആശംസകൾ അറിയിച്ചു.
പൊതുസ്ഥലങ്ങളിലുണ്ടാകുന്ന മെഡിക്കൽ അത്യാഹിതങ്ങളെ ആത്മവിശ്വാസത്തോടെ നേരിടാൻ സമൂഹത്തെ പ്രാപ്തമാക്കുക എന്നതാണ് ഈ പദ്ധതിയുടെ പ്രധാന ലക്ഷ്യം. ഇതിന്റെ ഭാഗമായി, റോഡപകടങ്ങൾ സംഭവിക്കുമ്പോഴോ അല്ലെങ്കിൽ ആളുകൾ പൊതുസ്ഥലങ്ങളിൽ കുഴഞ്ഞുവീണു വീഴുകയോ ചെയ്യുമ്പോൾ അടിയന്തരമായി എന്തുചെയ്യണം എന്നതിനെക്കുറിച്ച് സ്കൂളുകൾ, കോളേജുകൾ, സന്നദ്ധ സംഘടനകൾ തുടങ്ങിയവയുമായി സഹകരിച്ച്, ഇത്തരം അടിയന്തര സാഹചര്യങ്ങളെ അതിജീവിക്കാനുള്ള വിദഗ്ദ്ധ പരിശീലനങ്ങളാണ് ഈ പദ്ധതിയിലൂടെ ഈരാറ്റുപേട്ടയിലെ നിവാസികൾക്ക് ലഭ്യമാക്കുന്നതെന്ന് സൺറൈസ് ഗ്രൂപ്പ് ഓഫ് ഹോസ്പിറ്റൽസിന്റെ ക്ലസ്റ്റർ സി.ഇ.ഒ. ശ്രീ. പ്രകാശ് മാത്യു അറിയിച്ചു.
ഏത് അത്യാഹിത സാഹചര്യത്തിലും അതിവേഗ ചികിത്സ ലഭ്യമാകാൻ 9188918475 എന്ന നമ്പറിൽ ബന്ധപ്പെടാവുന്നതാണ്
