ചങ്ങനാശേരി: തൊട്ടിലാട്ടത്തിൽ നിന്നുള്ള കമ്പിക്കഷണം തെറിച്ച് വീണ് 17 വയസ്സുകാരന് പരുക്ക്. കാക്കാംതോട് സ്വദേശി അലൻ ബിജുവിനാണ് പരുക്കേറ്റത്. വെള്ളിയാഴ്ച രാത്രിയാണ് സംഭവം. മെത്രാപ്പൊലീത്തൻ പള്ളിയിലെ തിരുനാളിനോടനുബന്ധിച്ച് പള്ളിയങ്കണത്തിൽ സ്ഥാപിച്ച തൊട്ടിലാട്ടത്തിൽ നിന്നുള്ള കമ്പിക്കഷണം താഴെ കൂടി നടന്നു പോയ അലന്റെ തലയിൽ പതിക്കുകയായിരുന്നുവെന്ന് പൊലീസ് പറയുന്നു. സ്വകാര്യ കരാറുകാരനായിരുന്നു നടത്തിപ്പ് ചുമതല. അപകടത്തെ തുടർന്ന് ഇതിന്റെ പ്രവർത്തനം പൊലീസ് നിർത്തിവയ്പ്പിച്ചു. കരാറുകാരനെ കസ്റ്റഡിയിലെടുത്തതായി പൊലീസ് പറഞ്ഞു.
