മുരിക്കുംവയൽ: മുരിക്കുംവയൽ ഗവണ്മെൻ്റ് വൊക്കേഷണൽ ഹയർ സെക്കൻഡറി സ്കൂളിന്റെ 81 മത് വാർഷികാഘോഷം 2026 ജനുവരി 16 വെള്ളിയാഴ്ച സ്കൂളിൽ വെച്ച് നടത്തപ്പെടുന്നു. ഉദ്ഘാടനം എം.എൽ.എ അഡ്വ. സെബാസ്റ്റ്യൻ കുളത്തുങ്കൽ നിർവഹിക്കും. പി.ടി.എ പ്രസിഡൻ്റ് രാജേഷ് മലയിൽ അധ്യക്ഷത വഹിക്കും.
ജില്ലാ പഞ്ചായത്തംഗം അഡ്വ. പി ജിരാജ് മുഖ്യ പ്രഭാഷണം നടത്തും. ദീർഘനാളായി അധ്യാപകനായും പ്രിൻസിപ്പാളിൻ്റെ അധിക ചുമതല വഹിച്ച രാജേഷ് എം പി യുടെ വിരമിക്കൽ ചടങ്ങും കല കായിക പ്രതിഭകളെ ആദരിക്കൽ ചടങ്ങും ഇതോടൊപ്പം നടത്തപ്പെടുന്നു. സ്കൂളിലെ വിദ്യാർത്ഥികളുടെ കലാപരിപാടികളും വാർഷികാഘോഷത്തിന്റെ ഭാഗമായി ഉണ്ടായിരിക്കും.
വാർഷികാഘോഷത്തിൽ സിനിമോൾ തടത്തിൽ(കാഞ്ഞിരപ്പള്ളി ബ്ലോക്ക് പഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ), രജനി ഷാജി (മുണ്ടക്കയം ഗ്രാമപഞ്ചായത്ത് വൈസ് പ്രസിഡൻ്റ്), രാധാകൃഷ്ണൻ പി ബി (എസ് എം സി ചെയർമാൻ), കെ ടി സനിൽ(പി റ്റി എ വൈസ് പ്രസിഡൻറ്), മാനസി അനീഷ് (എം പി റ്റി എ പ്രസിഡൻ്റ്), പുഷ്പകുമാരി വി കെ(വി എച്ച് എസ് ഈ അസി. ഡയറക്ടർ, കുറ്റിപ്പുറം), ഡോ. ആശാദേവ് എം വി(ഹെഡ് മിസ്ട്രസ്), എന്നിവർ ആശംസകൾ നേരും. ആൻ്റണി ജോസഫ് (പ്രിൻസിപ്പൽ ഇൻ ചാർജ്, എച്ച് എസ് എസ്) വാർഷിക റിപ്പോർട്ട് അവതരിപ്പിക്കും. സുരേഷ് ഗോപാൽ പി എസ് (പ്രിൻസിപ്പൽ വി എച്ച് എസ് ഈ) സ്വാഗതവും രാജേഷ് എം പി (സീനിയർ അധ്യാപകൻ, എച്ച് എസ് എസ്) മറുപടി പ്രസംഗവും, റഫീഖ് പി എ (സീനിയർ അസിസ്റ്റൻ്റ്, എച്ച് എസ്) കൃതജ്ഞതയും രേഖപ്പെടുത്തും.
