മുരിക്കുംവയൽ ഗവൺമെന്റ് വൊക്കേഷണൽ ഹയർ സെക്കൻഡറി സ്കൂൾ നാഷണൽ സർവീസ് സ്കീമിന്റെയും, മുണ്ടക്കയം ലയൺസ് ക്ലബ്ബിന്റെയും, അമിത ഐ കെയർ ഹോസ്പിറ്റൽ തിരുവല്ലയുടെയും സഹകരണത്തോടെ സൗജന്യ നേത്ര പരിശോധന ക്യാമ്പ് മുരിക്കുംവയൽ ഗവൺമെന്റ് എൽ പി സ്കൂളിൽ വച്ച് നടത്തി.
സ്കൂൾ പിടിഎ പ്രസിഡന്റ് സനിൽ കെ ടി യുടെ അധ്യക്ഷതയിൽ കൂടിയ യോഗത്തിൽ ലയൻസ് ക്ലബ് ജില്ലാ കോർഡിനേറ്റർ ഡോക്ടർ എൻ എസ് ഷാജി ഉദ്ഘാടനം നിർവഹിച്ചു, മെഡിക്കൽ ടീമിന് നേതൃത്വം വഹിച്ച ഡോക്ടർ സോഫിയ ക്യാമ്പിന്റെ വിശദീകരണം നൽകി.
മുണ്ടക്കയം ലയൻസ് ക്ലബ് സെക്രട്ടറി സേതു നടരാജൻ, വിഎച്ച്എസ്ഇ പ്രിൻസിപ്പൽ സുരേഷ് ഗോപാൽ പി എസ്, ഹയർസെക്കൻഡറി പ്രിൻസിപ്പൽ ഇൻ ചാർജ് രാജേഷ് എം.പി ഹൈസ്കൂൾ എച്ച് എം ആഷാദേവ് എം വി, എൽപി സ്കൂൾ എച്ച്എം രാജമ്മ റ്റി ആർ, എൻഎസ്എസ് പ്രോഗ്രാം ഓഫീസർ സുനിൽകുമാർ ബി എന്നിവർ സംസാരിച്ചു. തുടർന്ന് പൊതുജനങ്ങൾക്കും കുട്ടികൾക്കും ഉള്ള സൗജന്യ നേത്ര പരിശോധന ക്യാമ്പ് നടത്തി.
