മുത്തോലി : മുത്തോലി സെൻ്റ് ആൻ്റണീസ് ഹയർ സെക്കണ്ടറി സ്കൂൾ എൻ എസ് എസ് യൂണിറ്റിന്റെ നേതൃത്വത്തിൽ മാഞ്ഞൂർ ലയൺസ് ക്ലബ്ബിന്റെയും പാലാ ബ്ലഡ് ഫോറത്തിന്റെയും എച്ച് ഡി എഫ് സി ബാങ്കിന്റെയും സഹകരണത്തോടെ മെഗാ രക്തദാന ക്യാമ്പ് നടത്തി.
സ്കൂൾ മാനേജർ റവ.ഫാ മാത്യു ആനത്താരയ്ക്കലിൻ്റെ അദ്ധ്യക്ഷതയിൽ മുത്തോലി ഗ്രാമ പഞ്ചായത്ത് പ്രസിഡന്റ് രഞ്ജിത്ത് ജി മീനാഭവൻ ഉത്ഘാടനം നിർവഹിച്ചു. ലയൺ ഡിസ്ട്രിക് ചീഫ് പ്രൊജക്റ്റ്‌ കോർഡിനേറ്റർ സിബി മാത്യു പ്ലാത്തോട്ടം മുഖ്യപ്രഭാഷണവും ഡിസ്ട്രിക് കോർഡിനേറ്റർ പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം രക്തദാന സന്ദേശവും നടത്തി.
പ്രിൻസിപ്പാൾ മിനി മാത്യു, ലയൺസ് ക്ലബ് പ്രസിഡൻ്റ് നിഖിൽ ഷാജു , പി റ്റി എ പ്രസിഡൻ്റ് ഷിജോ ജോസഫ്, എച്ച് ഡി എഫ് സി ബാങ്ക് മാനേജർ പ്രദീപ് ജി നാഥ്, എൻ എസ് എസ് പ്രോഗ്രാം ഓഫിസർ ജിൻസിമോൾ ഡൊമിനിക്, ഡോക്ടർ മിഷ , സിസ്റ്റർ അനിലിറ്റ് എസ് എച്ച് , എന്നിവർ ആശംസകൾ അർപ്പിച്ചു.
പ്രോഗ്രാം കോർഡിനേറ്റർ ജോമി മാത്യു എൻ എസ് എസ് വോളണ്ടിയർ സെക്രട്ടറിമാരായ എമ്മാനുവൽ തോമസ് അരുൺ, എഞ്ചൽ ബിനോയി, അൻസലാ മാത്യു, അർജുൻ അശോക് എന്നിവർ പരിപാടികൾക്ക് നേതൃത്വം നൽകി. മെഗാ രക്തദാന ക്യാമ്പിൽ കുട്ടികളും മാതാപിതാക്കളും ഉൾപ്പടെ അൻപതോളം പേർ രക്തം ദാനം ചെയ്തു.
