കോട്ടയം: ദർശന സാംസ്കാരികേന്ദ്രം സംഘടിപ്പിച്ച 14 മത് അഖില കേരള പ്രൊഫഷണൽ നാടക മത്സരത്തിന്റെ അവാർഡ് വിതരണം പ്രശസ്ത നടനും സംവിധായകനുമായ മോഹൻ അയിരൂർ നിർവഹിച്ചു.
ദർശന സാംസ്കാരിക കേന്ദ്രം ഡയറക്ടർ ഫാദർ എമിൽ പുള്ളിക്കാട്ടിൽ അധ്യക്ഷത വഹിച്ച യോഗം കോട്ടയം എംഎൽഎ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു.
അമ്പലപ്പുഴ അക്ഷര ജ്വാലയുടെ അനന്തരം എന്ന നാടകത്തിന് മുകളിൽ ഫൗണ്ടേഷൻ എവറോളിംഗ് ട്രോഫിയും ഇരുപത്തിഅയ്യായിരം രൂപ ക്യാഷ് അവാർഡും സമ്മാനിച്ചു. കൂടാതെ വിവിധ വിഭാഗങ്ങളിലായി നിരവധി അവാർഡുകൾ നൽകി.
ചടങ്ങിൽ ദേവാ കമ്മ്യൂണിക്കേഷൻസ് അഭിനേത്രി ആയിരിക്കെ വാഹനാപകടത്തിൽ മരണമടഞ്ഞ അഞ്ജലിയുടെ കുടുംബത്തിന് 50,000 രൂപ ധനസഹായം നൽകി. ആർട്ടിസ്റ്റ് സുജാതൻ, തേക്കിൻകാട് ജോസഫ്, ജോയി തോമസ്, പി ആർ ഹരിലാൽ, പി കെ ആനന്ദക്കുട്ടൻ, പിടി സജുലാൽ എന്നിവർ പ്രസംഗിച്ചു. തുടർന്ന് ദർശന മ്യൂസിക് ക്ലബ് അവതരിപ്പിച്ച ഗാന സന്ധ്യ നടന്നു.
