പൂഞ്ഞാർ: കേരള ശാസ്ത്ര സാഹിത്യ പരിഷത്ത്, അഖിലേന്ത്യാ ജനാധിപത്യ മഹിളാ അസോസിയേഷൻ, പുലരി പുരുഷ സ്വാശ്രയ സംഘം,സായുജ്യം വയോജന ക്ലബ്ബ് സംയുക്തമായി ലഹരി വിരുദ്ധ ജനകീയ സദസ് സംഘടിപ്പിച്ചു. ഉദ്ഘാടനം കൊണ്ട് ശ്രദ്ധേയമായി അച്ഛൻ്റെ അധ്യക്ഷതയിൽ മകൾ ഉദ്ഘാടയായി.
പൂഞ്ഞാർ ബസ് സ്റ്റാൻ്റിൽ സംഘടിപ്പിച്ച ജനകീയ സദസ് എഫ്.എച്ച്.സി മെഡിക്കൽ ഓഫീസർ ഡോ. പ്രെറ്റീ രാജ് ഉദ്ഘാടനം ചെയ്തു. കേരള ശാസ്ത്ര സാഹിത്യ പരിഷത്ത് പൂഞ്ഞാർ തെക്കേക്കര യൂണിറ്റ് പ്രസിഡൻ്റ് ഡി രാജപ്പൻ ഒഴാങ്കൽ അധ്യക്ഷത വഹിച്ചു.
സി.പി.ഐ.എം മുതിർന്ന നേതാവും മുൻ ഗ്രാമ പഞ്ചായത്ത് പ്രസിഡൻ്റുമായ ഇ.എ മോഹൻ, അഖിലേന്ത്യാ ജനാധിപത്യ മഹിളാ അസോസിയേഷൻ മേഖല കമ്മറ്റി പ്രസിഡൻ്റ് നിഷ സാനു, പുലരി പുരുഷ സ്വാശ്രയ സംഘം സെക്രട്ടറി പി.ജി പ്രമോദ് കുമാർ, സി.പി.ഐ.എം പൂഞ്ഞാർ തെക്കേക്കര ലോക്കൽ സെക്രട്ടറി ടി.എസ് സിജു, അഖിലേന്ത്യാ ജനാധിപത്യ മഹിളാ അസോസിയേഷൻ മേഖല കമ്മറ്റി സെക്രട്ടറി ബിന്ദു സുരേന്ദ്രൻ എന്നിവർ പ്രസംഗിച്ചു.
