പാലാ ലയൺസ് ക്ലബ്ബിന്റെ ആഭിമുഖ്യത്തിൽ കെടിജെഎം ഹൈസ്കൂളിൽ ‘ലോകസമാധാനത്തിനായി ഒരുമയിൽ ഒന്നായി ‘ എന്ന സന്ദേശം നൽകുന്നതിനായി നടത്തിയ ചിത്രരചനാ മത്സരത്തിന്റെ സമാപന സമ്മേളനത്തിൽ പാലാ ലയൺസ് ക്ലബ്‌ പ്രസിഡന്റ് ഡോ.വി. ജെ. ജോസ് അധ്യക്ഷപദം അലങ്കരിച്ചു.
സമ്മേളനം കെടിജെഎം ഹൈസ്കൂൾ ഹെഡ്മാസ്റ്റർ റവ. ഫാ. മനോജ് പൂത്തോട്ടാൽ ഉദ്ഘാടനം ചെയ്തു. ഡിസ്ട്രിക്ട് കോർഡിനേറ്റർ ശ്രീ.സിബി പ്ലാത്തോട്ടം മുഖ്യപ്രഭാഷണം നടത്തി. ആശംസകൾ അറിയിച്ച് ശ്രീ. ക്ലീറ്റസ് ഇഞ്ചപറമ്പിൽ, പിടിഎ പ്രസിഡന്റ് ശ്രീ.കിഷോർ ചക്കാലക്കൽ, ശ്രീ. പ്രിൻസ് ഓടയ്ക്കൽ എന്നിവർ സംസാരിച്ചു.
ചിത്രരചന മത്സരത്തിൽ പങ്കെടുത്ത എല്ലാ കുട്ടികൾക്കും പ്രോത്സാഹന സമ്മാനങ്ങൾ നൽകുകയും ഒന്നും രണ്ടും മൂന്നും സ്ഥാനം കരസ്ഥമാക്കിയ കുട്ടികൾക്ക് പ്രത്യേക സമ്മാനങ്ങൾ നൽകുകയും ചെയ്തു.
കുട്ടികൾ- സമാധാനവക്താക്കൾ എന്ന ആശയം ഇതിലൂടെ ഉദ്ബോധിപ്പിക്കുവാൻ ഈ ചിത്രരചന മത്സരം കുട്ടികളെ സഹായിക്കുകയും മത്സരത്തിൽ കുട്ടികൾ ആവേശത്തോടെ പങ്കെടുക്കുകയും ചെയ്തു.
