പാലാ: കാർ നിയന്ത്രണം വിട്ടു മറിഞ്ഞ് പരിക്കേറ്റ മുണ്ടക്കയം സ്വദേശികളായ നെബിൻ ( 22 ) ജിസൺ (23 ) ബിലാൽ (23 ) എന്നിവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. പത്തരയോടെ പാലാ പൊൻകുന്നം റൂട്ടിൽ പൈകയ്ക്ക് സമീപം ആയിരുന്നു അപകടം.
വെള്ളികുളം :ഈരാറ്റുപേട്ട -വാഗമണ്‍ റൂട്ടില്‍ കെ.എസ്.ആർ.ടി.സി ബസ്സും ട്രാവലറും കൂട്ടിയിച്ച് ഏഴുപേർക്ക് പരുക്ക്, ഒരാളുടെ നില ഗുരുതരമാണ്. വെള്ളികുളത്തിന് സമീപം ഇഞ്ചപ്പാറയിലാണ് അപകടം. ഇവരെ ഈരാറ്റുപേട്ടയിലെ സൺറൈസ്, പി.എം.സി ആശുപത്രികളിൽ പ്രവേശിപ്പിച്ചു. മണിമലയിൽനിന്ന് വന്ന ട്രാവലറാണ് അപകടത്തിൽപ്പെട്ടത്. ഇറക്കമിറങ്ങി വന്ന ട്രാവലർ കയറ്റം കയറിപ്പോകുന്ന കെ എസ് ആർ ടി സി ബസ്സിൽ ഇടിക്കുകയായിരുന്നു. ഈരാറ്റുപേട്ട ഫയര്‍ഫോഴ്‌സും സന്നദ്ധ സേനയായ നന്‍മക്കൂട്ടം പ്രവര്‍ത്തകരും രക്ഷാപ്രവർത്തനത്തിന് നേതൃത്വം നൽകി.
പാലാ: വിവിധ അപകടങ്ങളിൽ പരുക്കേറ്റ 4 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. സ്കൂട്ടറുകൾ തമ്മിൽ കൂട്ടിയിടിച്ചു പള്ളിക്കത്തോട് സ്വദേശികളായ ജിൻസ് ജോസ് ( 28), ടോമി തോമസ് ( 54) കോട്ടയം സ്വദേശി അനന്തകൃഷ്ണൻ ( 32) എന്നിവർക്ക് പരുക്കേറ്റു. രാവിലെ 10 മണിയോടെ പള്ളിക്കത്തോട് ജംക്ഷനിൽ വച്ചായിരുന്നു അപകടം. സ്കൂട്ടറും കാറും തമ്മിൽ കൂട്ടിയിടിച്ച് തോടനാൽ സ്വദേശി ജെയിംസ്കുട്ടിക്ക് ( 52) പരുക്കേറ്റു. ഇന്നലെ രാത്രി കൊഴുവനാൽ ഭാഗത്ത് വച്ചായിരുന്നു അപകടം.
