പാലാ: പാലക്കാട് നടക്കുന്ന സംസ്ഥാന സ്കൂൾ ശാസ്ത്രോത്സവത്തിൽ ടീച്ചിങ് എയ്ഡ് മത്സരത്തിൽ വാകക്കാട് സെൻ്റ് അൽഫോൻസ ഹൈസ്കൂൾ അധ്യാപകർക്ക് നേട്ടം. ഗണിതശാസ്ത്രം ടീച്ചിങ് എയ്ഡ് യുപി വിഭാഗം മത്സരത്തിൽ ജോസഫ് കെ വി കുളത്തിനാൽ എ ഗ്രേഡോടെ ഒന്നാം സ്ഥാനവും ഗണിതശാസ്ത്രം ഹൈസ്കൂൾ വിഭാഗം ടീച്ചിങ് എയ്ഡ് മത്സരത്തിൽ മനു കെ ജോസ് കൂനാനിക്കൽ എ ഗ്രേഡും ഐ ടി മേളയിൽ ഹൈസ്കൂൾ വിഭാഗം ടീച്ചിങ് എയ്ഡ് മത്സരത്തിൽ അനു അലക്സ് ബി ഗ്രേഡും കരസ്ഥമാക്കി.
കഴിഞ്ഞ മൂന്നു വർഷങ്ങളിലും സംസ്ഥാനതലത്തിൽ സമ്മാനാർഹനായിരുന്ന ജോസഫ് കെ വി നാലാം തവണയും സംസ്ഥാനതലത്തിൽ സമ്മാനാർഹനായി. 2016 മുതൽ തുടർച്ചയായി പത്താം തവണയാണ് മനു കെ ജോസ് ശാസ്ത്രോത്സവത്തിൽ ഗണിതശാസ്ത്രം ഹൈസ്കൂൾ വിഭാഗം ടീച്ചിങ് എയ്ഡ് മത്സരത്തിൽ കോട്ടയം ജില്ലയെ പ്രതിനിധീകരിച്ച് സംസ്ഥാനതലത്തിൽ എ ഗ്രേഡ് കരസ്ഥമാക്കുന്നത്.
