രാമപുരം: അന്താരാക്ഷ്ട്ര മാനസിക ദിനാചാരണത്തോട് അനുബന്ധിച്ച് ലയൺസ് ക്ലബ് ഓഫ് രാമപുരത്തിന്റെയും മീനച്ചിൽ താലൂക്ക് ലീഗൽ സർവീസസ് കമ്മറ്റിയുടെയും നേതൃത്വത്തിൽ രാമപുരം ആയുർവേദ ഡിസ്പൻസിറിയുടെയും സഹകരണത്തോടെ ആയുർവേദ മെഡിക്കൽ ക്യാമ്പും, മാനസിക ആരോഗ്യ ബോധവത്കരണ ക്ലാസും, നിയമ ബോധനക്ലാസും സ്നേഹവിരുന്നും നടത്തി.
പരിപാടിയുടെ ഉദ്ഘാടനം കുഞ്ഞച്ചൻഭവൻ ഡയറക്ടർ ബിനോയ് ജെയിംസിന്റെ അധ്യക്ഷതയിൽ ഉഴവൂർ ബ്ലോക്ക് പഞ്ചായത്ത് പ്രസിഡന്റ് പി സി കുര്യൻ നിർവഹിച്ചു. ലയൺസ് 318B ചീഫ് പ്രൊജക്റ്റ്‌ കോർഡിനേറ്റർ സിബി മാത്യു പ്ലാത്തോട്ടം മുഖ്യ പ്രഭാഷണം നടത്തി.
ക്ലബ് പ്രസിഡന്റ് ജോർജ്ജ് ജോസഫ് കുരിശുംമൂട്ടിൽ, ലീഗൽ സർവീസ് കമ്മറ്റി സെക്രട്ടറി സോണിയ ജോസഫ്, സാലി ബേബി, പ്രകാശൻ എം യു, ഡോക്ടർ അഞ്ചു ചന്ദ്രൻ തുടങ്ങിയവർ പ്രസംഗിച്ചു.
മെഡിക്കൽ ഓഫീസർ ഡോക്ടർ സീനിയ അനുരാഗ്, പാനൽ അഭിഭാഷകൻ അഡ്വ: തോമസ് ജോസഫ് തൂങ്കുഴി തുടങ്ങിയവർ ബോധവത്കരണ ക്ലാസ്സ്‌ നയിച്ചു. ക്ലബ് സെക്രട്ടറി ദീപു സുരേന്ദ്രൻ, ക്ലബ് ട്രെഷററർ ബൽറാം റ്റി കെ തുടങ്ങിയവർ പരിപാടികൾക്ക് നേതൃത്വം നൽകി.
