കോട്ടയം: ഈരാറ്റുപേട്ടയില് ഫര്ണിച്ചര് വില്പ്പന സ്ഥാപനത്തില് ഉണ്ടായ വന് തീപ്പിടിത്തത്തില് ലക്ഷങ്ങളുടെ നഷ്ടം. ഈരാറ്റുപേട്ട മെട്രോ തീയറ്ററിനും പോലീസ് സ്റ്റേഷനും സമീപം പ്രവര്ത്തിക്കുന്ന സ്ഥാപനത്തിലാണ് തീപിടിത്തമുണ്ടായത്.
ചൊവ്വാഴ്ച രാത്രി പതിനൊന്നു മണിയോടെയാണ് സംഭവം. പഴയ ഉരുപ്പടികള് വില്ക്കുന്ന പാലയംപറമ്പില് ജാഫറിന്റെ ഗോഡൗണിലാണ് തീപിടിത്തമുണ്ടായത്.
![](https://palavartha.com/wp-content/uploads/2024/01/talent-new-15-1024x724.jpeg)
തീപ്പിടിത്തത്തിന്റെ കാഠിന്യത്തില് സമീപത്തെ മരങ്ങള് ഉള്പ്പെടെ കത്തിനശിച്ചു. ഈരാറ്റുപേട്ട, പാലാ, കാഞ്ഞിരപ്പള്ളി എന്നിവിടങ്ങളില് നിന്നും ഫയര്ഫോഴ്സെത്തി നാട്ടുകാരുടെ സഹായത്തോടെ മണിക്കൂറുകള് നീണ്ട പരിശ്രമത്തിനൊടുവിലാണ് തീയണച്ചത്.