പാലാ രൂപത കോർപറേറ്റ് എഡ്യൂക്കേഷൻ ഏജൻസിയും സെന്റ്. തോമസ് കോളേജ് പാലയും സംയുക്തമായി നടത്തുന്ന സീപ്പ് ഫുട്ബോൾ സൂപ്പർ ലീഗ് ലീഗിൽ ആവേശകരമായ പോരാട്ടത്തിൽ ഇലഞ്ഞി സെന്റ് പീറ്റേഴ്സ് ഹയർ സെക്കൻഡറി സ്കൂളിനെ പരാജയപ്പെടുത്തി പാലാ സെന്റ് തോമസ് ഹയർ സെക്കൻഡറി സ്കൂളിന് ഉജ്ജ്വല വിജയം.
ഏകപക്ഷീയമായ ഒരു ഗോളിനാണ് പാലാ ടീം വിജയിച്ചത്. മത്സരത്തിൽ മികച്ച പ്രകടനം കാഴ്ചവെച്ച പാലാ സെന്റ് തോമസ് സ്കൂളിലെ അഭിഷേക് ‘മാൻ ഓഫ് ദ മാച്ച്’ പുരസ്കാരം സ്വന്തമാക്കി. തിങ്കളാഴ്ച ഉച്ചകഴിഞ്ഞ് 3 മണിക്ക് കടനാട് സ്കൂൾ ഗ്രൗണ്ടിൽ വെച്ച് നടക്കുന്ന മത്സരത്തിൽ കടനാട് സെന്റ് സെബാസ്റ്റ്യൻസ് ഹയർ സെക്കൻഡറി സ്കൂൾ, കൂട്ടിക്കൽ സെന്റ് ജോർജ് ഹൈസ്കൂളിനെ നേരിടും.
