ഈരാറ്റുപേട്ട: ഈരാറ്റുപേട്ട ബ്ലോക്ക് പഞ്ചായത്ത്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ആയി മൂന്നിലവ് ഡിവിഷൻ മെമ്പർ ശ്രീമതി ബിന്ദു സെബാസ്റ്യൻ തെരഞ്ഞെടുക്കപ്പെട്ടു. മുൻ ധാരണ പ്രകാരം തീക്കോയി ഡിവിഷൻ മെമ്പർ രാജി വച്ച ഒഴിവിലേക്ക് ആണു മത്സരം നടന്നത്. എന്നാൽ ഈ തെരഞ്ഞെടുപ്പിൽ നിന്നും തീക്കോയി ഡിവിഷന് മെമ്പർ ഓമന ഗോപാലൻ വിട്ടു നിന്നു. സമിതിയിലെ പ്രതിപക്ഷ അംഗമായ ജെറ്റോ ജോസ്, കോറം തികയാത്തതിനാൽ തെരഞ്ഞെടുപ്പ് മാറ്റിവയ്ക്കുന്ന സാഹചര്യത്തിനുമുമ്പ് തന്നെ എത്തി പിന്തുണ നൽകുകയും ചെയ്തതിന്റെ അടിസ്ഥാനത്തിലാണ് തെരഞ്ഞെടുക്കപ്പെട്ടത്.
