ആദരിച്ചു
ഈരാറ്റുപേട്ട: ലോക ഫോട്ടോഗ്രാഫി ദിനത്തിൽ ഫോട്ടോഗ്രാഫർ സെയിൻസ് സൈനുദ്ദീനെ ഫൈൻ ആർട്ട്സ് ക്ലബ് ഈരാറ്റുപേട്ട (ഫെയ്സ് ) ആദരിച്ചു.
ഈരാറ്റുപേട്ടയിലെ ആദ്യ ഫോട്ടോഗ്രാഫറും സ്റ്റുഡിയോ ഉടമയുമാണ്. പഴയ കാല സിനിമാ താരങ്ങളുടേതടക്കം നിരവധി പ്രമുഖരുടെ ചിത്രങ്ങൾ അദ്ദേഹം പകർത്തിയിട്ടുണ്ട്. നിരവധി വിദേശ രാജ്യങ്ങൾ സന്ദർശിച്ചിട്ടുണ്ട്.
പഴയതും പുതിയതുമായ നിരവധി ക്യാമറകളുടെ ശേഖരവും അദ്ദേഹത്തിനുണ്ട്.ഫെയ്സ് പ്രസിഡൻ്റ് സക്കീർ താപി, വനിതാ വിംഗ് ക്ലബ് പ്രസിഡൻറ് മൃദുല നിഷാന്ത് എന്നിവർ ഉപഹാരം നൽകി.
ചടങ്ങിൽ ഫെയ്സ് ജനറൽ സെക്രട്ടറി കെ. പി.എ. നടക്കൽ,
എ.കെ.പി.എ. യൂണിറ്റ് സെക്രട്ടറി അജീഷ് യമഹ, ഫെയ്സ് സാഹിത്യവേദി ജനറൽ സെക്രട്ടറി മുഹ്സിൻ പി.എം, യൂത്ത് ക്ലബ്ബ് രക്ഷാധികാരി പി.പി.എം, നൗഷാദ്, ട്രഷറർ കെ.കെ.നവാസ്, വൈസ് പ്രസിഡൻ്റ് പി.എസ്.റഫീഖ്, സെക്രട്ടറി ഹാഷിം ലബ്ബ വിമൻസ് ക്ലബ്ബ് വൈസ് പ്രസിഡൻ്റ് റീന വിജയ് എന്നിവർ പങ്കെടുത്തു.
