ആനിക്കാട് ഭഗവതി ക്ഷേത്രത്തിലെ മീനഭരണി ഉത്സവത്തോട് അനുബന്ധിച്ച് ഉഷസ്സ്- ഭദ്രേ ഭഗവതി എന്ന ഭക്തിഗാനം പുറത്തിറങ്ങി. ശ്രീകോവിൽ പുനരുദ്ധാരണവും പുനപ്രതിഷ്ഠയും നടന്ന ആനിക്കാട് ഭഗവതി ക്ഷേത്രത്തിനുള്ള സമർപ്പണമായി മാറി ഉഷസ്സ്- ഭദ്രേഭവതി എന്ന ഗാനം.
വിവിധ സംഗീത ആൽബങ്ങൾക്ക് ഗാനരചന നിർവ്വഹിച്ചിട്ടുള്ള അനീഷ് ആനിക്കാടാണ് ഗാനത്തിന്റെ രചനയും സംവിധാനവും നിർവ്വഹിച്ചിരിക്കുന്നത്. യുവഗായകനായ ശ്രീജിത്ത് കെ.എസ്. സംഗീതം നൽകി ഗാനം ആലപിച്ചിരിക്കുന്നു. നിഖിൽ മറ്റത്തിൽമഠം എഡിറ്റിംഗ് നിർവ്വഹിച്ചിരിക്കുന്നു. മനു പള്ളിക്കത്തോടാണ് ഛായാഗ്രാഹകൻ.
കോട്ടയം ഫ്രെയിംസ് & വേവ്സ് ആണ് പോസ്റ്റ് പ്രൊഡക്ഷൻ സ്റ്റുഡിയോ. പൂത്തുമ്പി മീഡിയായായുടെ ബാനറിലൂടെയാണ് ആനിക്കാട് ഭഗവതി ക്ഷേത്രത്തിന്റെ ഭക്തിരസം നിറയുന്ന ഈ ഭക്തിഗാനം പുറത്തിറങ്ങിയിരിക്കുന്നത്. ആനിക്കാട് ഭഗവതി ദേവസ്വം സെക്രട്ടറി എൻ.പ്രഭാകരൻകർത്ത ഗാനത്തിന്റെ പ്രകാശനം നിർവ്വഹിച്ചു. https://youtu.be/-V_ZHwWh88I?si=R_loJL5j1H7QggmM
