കാഞ്ഞിരപ്പള്ളി : ഇറങ്ങുന്നതിന് മുൻപ് മുന്നോട്ടെടുത്ത ബസിൽനിന്ന് റോഡിൽ വീണ വിദ്യാർഥിനി അദ്ഭുതകരമായി രക്ഷപ്പെട്ടു. കാഞ്ഞിരപ്പള്ളി-ഈരാറ്റുപേട്ട റോഡില്‍ ആനിത്തോട്ടത്ത് ഇന്ന് (വെള്ളിയാഴ്ച) വൈകീട്ട് നാലോടെയായിരുന്നു സംഭവം. കാഞ്ഞിരപ്പള്ളി സ്വകാര്യ സ്‌കൂളിലെ വിദ്യാര്‍ഥിനിയാണ് ബസില്‍നിന്ന് വീണത്.
വിദ്യാർഥികൾ ഇറങ്ങുന്നതിന് മുൻപ് ബസ് മുന്നോട്ടെടുത്തതാണ് അപകടത്തിന് വഴിവെച്ചത്. വിദ്യാർഥിനി വീണിട്ടും ബസ് നിർത്താതെ പോവുകയും ചെയ്തു. അപകടത്തില്‍ വിദ്യാര്‍ഥിനി പരിക്കേൽക്കാതെ രക്ഷപ്പെട്ടു.
