പാലാ : പ്രവിത്താനം പള്ളിക്ക് സമീപം കാറും സ്കൂട്ടറും കൂട്ടിയിടിച്ച് ഒരാൾ മരിച്ചു,ഒരാൾക്ക് ഗുരുതര പരുക്ക്. വെണ്മണിയിൽ നിന്ന് ഭരണങ്ങാനം ഭാഗത്തേക്ക് പോകുകയായിരുന്ന കാർ ഈരാറ്റുപേട്ടയിൽ നിന്ന് പാലാ ഭാഗത്തേക്ക് വന്ന സ്കൂട്ടറിൽ ഇടിക്കുകയായിരുന്നു. അപകടത്തിൽ ഈരാറ്റുപേട്ട മറ്റയ്ക്കാട് സ്വദേശി ഇബ്രാഹിംകുട്ടി (58) ആണ് മരിച്ചത്.
അപകടം നടന്ന ഉടനെ വ്യാപാരി വ്യവസായി പ്രസിഡന്റ് സജി എസ് തെക്കേലും നാട്ടുകാരും ചേർന്ന് ബൈക്ക് യാത്രക്കാരായ 2 പേരെയും ഉടനെ തന്നെ പാലാ ഗവണ്മെന്റ് ആശുപത്രിയിൽ എത്തിച്ചെങ്കിലും ഒരാളുടെ ജീവൻ രക്ഷിക്കാൻ കഴിഞ്ഞില്ല.
ഇന്ന് രാവിലെ 10 മണിയോടെയാണ് അപകടം. പോലീസും ഫയർ ഫോഴ്സും സ്ഥലത്തെത്തി. കാർ ഓടിച്ചിരുന്ന വെണ്മണി പരിന്തിരകൽ കുരുവിള ജേക്കബിനെ പോലീസ് കസ്റ്റഡിയിൽ എടുത്തിട്ടുണ്ട്.
