മുണ്ടക്കയം :പതിനഞ്ചാമത് സഹോദയ കോട്ടയം ചെസ്സ് ടൂർണമെന്റ് മുണ്ടക്കയം സെന്റ്. ജോസഫ്സ് സെൻട്രൽ സ്കൂളിൽ നടന്നു. നാൽപ്പതിൽപരം സ്കൂളിൽ നിന്ന് അറുന്നൂറിലധികം കുട്ടികൾ ഈ ടൂർണമെന്റിൽ പങ്കെടുത്തു.
കോട്ടയം സഹോദയയുടെ ജോയിന്റ് സെക്രട്ടറിയും മണിമല കാർഡിനൽ പടിയറ പബ്ലിക് സ്കൂളിന്റെ പ്രിൻസിപ്പാളുമായ ശ്രീ. റോയ് തോമസ് ഉദ്ഘാടനം നിർവഹിച്ചു.
ഏറ്റുമാനൂർ SFS പബ്ലിക് സ്കൂൾ ഓവറോൾ ചാമ്പ്യന്മാരായി. പാല ചാവറ പബ്ലിക് സ്കൂൾ ഫസ്റ്റ് റണ്ണറപ്പും, മുണ്ടക്കയം സെന്റ് ജോസഫ്സ് സെൻട്രൽ സ്കൂൾ സെക്കന്റ് റണ്ണറപ്പും സ്ഥാനങ്ങൾ കരസ്ഥമാക്കി.
മാനേജർ ഫാ. മത്തായി മണ്ണൂർവടക്കേതിൽ, പ്രിൻസിപ്പാൾ ഫാ. തോമസ് നാലന്നടിയിൽ, കേരള ചെസ്സ് അസോസിയേഷൻ പ്രസിഡന്റ് ശ്രീ രാജേഷ് നാട്ടകം, വൈസ് പ്രിൻസിപ്പൽമാരായ Sr ലിസി ചക്കോള, ശ്രീ ആന്റണി കുരുവിള, ശ്രീ ജോൺ T J എന്നിവർ സമ്മാനങ്ങൾ വിതരണം ചെയ്തു. അധ്യാപകരായ ശ്രീ ആന്റണി കുരുവിള, ശ്രീ ഷൈജു ആൻഡ്രൂസ് എന്നിവർ നേതൃത്വം നൽകി.
