മേലടുക്കം: മേലടുക്കം -സി.എസ്.ഐ പള്ളി – പഴുക്കാക്കാനം റോഡ് മാണി സി കാപ്പൻ എം എൽ എ ഉദ്ഘാടനം ചെയ്തു. മലയോര മേഖലയുടെ വികസനത്തിലൂടെ ടൂറിസം സാധ്യതകൾ പരമാവധി പ്രയോജനപ്പെടുത്തുകയാണ് ലക്ഷ്യമിടുന്നത് എന്ന്‌ മാണി സി കാപ്പൻ എം എൽ എ പറഞ്ഞു.
ഈ പ്രദേശത്തെ 350 ഓളം കുടുംബങ്ങൾക്ക് ‘ ഏക ആശ്രയമായ റോഡ് എം.എൽ.എ യുടെ ആസ്തി വികസന ഫണ്ടിൽ നിന്നും 55 ലക്ഷം രൂപ മുടക്കിയാണ്‌ നവീകരിച്ചത്. ഈരാറ്റുപേട്ട ബ്ളോക്ക് പഞ്ചായത്ത് പ്രസിഡൻ്റ് മറിയാമ്മ ഫെർണാണ്ടസ് അദ്ധ്യക്ഷത വഹിച്ചു. സെൻ്റ് പോൾ സി.എസ്.ഐ പള്ളി വികാരി റവ. ജോബി ബേബി അനുഗ്രഹ പ്രഭാഷണം നടത്തി.
ബ്ളോക്ക് പഞ്ചായത്ത് വൈസ് പ്രസിഡൻ്റ് കുര്യൻ നെല്ലു വേലി മുഖ്യ പ്രഭാഷണവും നിർവഹിച്ചു. തലനാട് ഗ്രാമ പഞ്ചായത്ത് പ്രസിഡൻ്റ് രജനി സുധാകരൻ സ്വാഗതം ആശംസിച്ചു. വൈസ് പ്രസിഡൻ്റ് സോളി ഷാജി, പഞ്ചായത്ത് മെമ്പർമാരായ രോഹിണി ഭായ് ഉണ്ണികൃഷ്ണൻ, ഷെമീല ഹനീഫ, റോബിൻ, റവ. ബാബു, താഹ തലനാട് എന്നിവർ പ്രസംഗിച്ചു.
