പൂഞ്ഞാർ നിയോജക മണ്ഡലത്തിലെ മുഴുവൻ ബൂത്തുകളിലും എൽഡിഎഫ് പ്രവർത്തകരുടെ നേതൃത്വത്തിൽ സ്ക്വാഡ് രൂപീകരിച്ച് മുഴുവൻ വീടുകളിലും സന്ദർശനം നടത്തും.
ഓരോ സ്ക്വാർഡുകളിലും കുറഞ്ഞത് അഞ്ച് പ്രവർത്തകർ വീതം 218 ബൂത്തുകളിലായി 15,000 ത്തോളം പ്രവർത്തകർ ഈ സ്ക്വാഡ് വർക്കിൽ പങ്കെടുത്ത് സമ്മതിദായകരെ നേരിൽ കണ്ട് അഡ്വ. സെബാസ്റ്റ്യൻ കുളത്തുങ്കലിന്റെ വിജയത്തിനായി വോട്ട് അഭ്യർത്ഥിക്കുകയും മണ്ഡല വികസന പത്രിക വിതരണം ചെയ്യുകയും ചെയ്യും.
നാളെ രാവിലെ 7 മണി മുതൽ ആരംഭിക്കുന്ന സ്ക്വാർഡ് പ്രവർത്തനത്തിന്റെ നിയോജകമണ്ഡലം തല ഉദ്ഘാടനം മുൻ എംഎൽഎ കെ ജെ തോമസ് കൂട്ടിക്കലിൽ നിർവഹിക്കും. നിയോജകമണ്ഡലത്തിലെ പരമാവധി മുഴുവൻ വോട്ടർമാരെയും നേരിൽ കണ്ട് വോട്ട് അഭ്യർത്ഥിക്കുക എന്ന ലക്ഷ്യത്തോടെയാണ് എൽഡിഎഫ് സ്ക്വാഡ് രൂപീകരിച്ചിട്ടുള്ളത്.
