കുന്നോന്നി സെൻ്റ് ജോസഫ് യു. പി സ്കൂളിലെ 1991-92 ബാച്ചുകാർ ഓർമ്മകൾ ഓടികളിക്കുന്ന മാതൃവിദ്യാലയത്തിൻ്റെ തിരുമുറ്റത്ത് ഒത്തുകൂടി. പതിറ്റാണ്ടുകൾക്ക് ശേഷമുള്ള കണ്ടുട്ടലിൽ വിശേഷങ്ങൾ പറഞ്ഞും പഴയ കാല ഓർമ്മകൾ അയവിറക്കിയും ബാല്യകാല സഹപാഠികൾ മണിക്കുറുകൾ ചെലവഴിച്ചു.
അവരോടൊപ്പം പഴയകാല അദ്ധ്യാപകരും കൂടി പങ്കെടുത്തപ്പോൾ സന്തോഷം ഇരട്ടിയായി. സഹപാഠികളും കുടുംബാംഗങ്ങളുമായി നൂറിൽപരം പേർ പങ്കെടുത്ത ഒത്തു ചേരൽ സ്കൂൾ മാനേജർ ഫാ. മാത്യു പീടികയിൽ ഉദ്ഘാടനം ചെയ്തു.
അനീഷ് കീച്ചേരി അധ്യക്ഷത വഹിച്ചു. മോഹൻദാസ് തുണ്ടത്തിൽ സ്വാഗതം ആശംസിച്ചു. മുൻ സ്കൂൾ മാനേജർ ഫാ ജോർജ് പുതിയാപറമ്പിൽ മുഖ്യപ്രഭാഷണം നടത്തി. സ്കൂൾ ഹെഡ്മിസ്ടസ് ഷീ നാമോൾ ജേക്കബ് മാത്യു ഫിലിപ്പ് അറമത്ത് ജോബി ഇളംതുരുത്തിയിൽ തുടങ്ങിയവർ ആശംസകൾ അർപ്പിച്ചു.
ചടങ്ങിൽ പൂർവ്വ അധ്യാപകരായ സി. മേഴ്സിറ്റാ സി. അൽഫോൻസ് സി. ആലീസ് ഓമന സഖറിയാസ് എ.എം ജോസഫ് ആരംപുളിക്കൽ തുടങ്ങി വരെ ആദരിച്ചു. പ്രസ്തുത യോഗത്തിൽ മാതൃവിദ്യാലയത്തിലെ മുഴുവൻ വിദ്യാർത്ഥികൾക്കും പഠനോപകരണ വിതരണം കുട്ടികൾക്ക് സ്പോർട്സ് ഗെയിംസ് ഉപകരണങ്ങൾ വിതരണം ബാല്യകാല സഹപാഠി മെമ്മോറിയൽ സ്കോളർഷിപ്പ് സമർപ്പണം ഉന്നത വിജയം നേടിയ വിദ്യാർത്ഥികൾക്ക് പുരസ്കാര സമർപ്പണം ഓർമ്മക്കായ് വൃക്ഷ തൈ നടീൽ വിവിധ കലാപരിപടികൾ സ്നേഹ വിരുന്ന് തുടങ്ങിയ പരിപാടികൾ ഉണ്ടായിരുന്നു.
