പാലാ: ക്യാൻസർ രോഗികൾക്ക് കെ.എസ്.ആർ.ടി.സി ബസുകളിൽ സൗജന്യയാത്രാ സൗകര്യം ഏർപ്പെടുത്തിയ നടപടിസർക്കാരിൻ്റെ രോഗീപക്ഷ ഇടപെടലും ആശ്വാസകരവുമാണെന്ന് പാലാ ഗവ:ജനറൽ ആശുപത്രി മാനേജിംഗ് കമ്മിറ്റി അംഗം ജയ് സൺ മാന്തോട്ടം പറഞ്ഞു. രോഗികൾക്ക് സൗജന്യ യാത്രാ സൗകര്യം ഒരുക്കിയ സർക്കാരിന്നെ അഭിനന്ദനങ്ങൾ അറിയിച്ചു.
രോഗികൾ ആഗ്രഹിച്ചത് സർക്കാർ നടപ്പാക്കിയിരിക്കുകയാണെന്ന് അദ്ദേഹം പറഞ്ഞു. ക്യാൻസർ രോഗം പിടിപ്പെട്ട് ചികിത്സയ്ക്ക് പണം കണ്ടെത്താനാവാതെ കഴിയുന്ന നിർധനരായ ആയിരങ്ങൾക്ക് ഒരു കൈത്താങ്ങ് ആവുകയാണ് സർക്കാരിൻ്റെ ഈ തീരുമാനം.
എല്ലാ ജില്ലയിലും ഒരു സർക്കാർ ആശുപത്രിയിൽ എങ്കിലും ക്യാൻസർ ചികിത്സാ സൗകര്യം ഏർപ്പെടുത്തുക കൂടി ചെയ്ത് രോഗികളെ സഹായിക്കണമെന്ന് അദ്ദേഹം അഭ്യർത്ഥിച്ചു..പാലാ ജനറൽ ആശുപത്രിയിൽ ക്യാൻസർ ചികിത്സ വിപുലീകരിക്കുന്ന നടപടി പുരോഗതിയിലാണ് ‘ ആരോഗ്യ വകുപ്പിൻ്റെ കീഴിൽ ജോലി ചെയ്യുന്ന ഡോക്ടർമാരിൽ ഓങ്കോളജിയിൽ യോഗ്യത നേടിയ ഡോക്ടർമാരുടെ സേവനം പ്രയോജനപ്പെടുത്തി ചികിത്സാ പദ്ധതി കൂടി നടപ്പാക്കുവാൻ കൂടി തയ്യാറാവണം.
