പാലാ: കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ടിൻ്റെ നേതൃത്വത്തിൽ പാലാ ചാവറ പബ്ലിക് സ്കൂളിൽ ശിശുദിനാഘോഷം ആഘോഷിച്ചു. ഡയറക്ടർ പളളിയറ ശ്രീധരൻ്റെ അധ്യക്ഷതയിൽ ചേർന്ന സമ്മേളനം കേരള സംസ്ഥാന ഭാഷാ ഇൻസ്റ്റിറ്റ്യൂട്ട് ഡയറക്ടർ ഡോ. എം സത്യൻ ഉദ്ഘാടനം ചെയ്തു.
ചലച്ചിത്ര ഗാനരചയിതാവ് അജീഷ് ദാസൻ മുഖ്യാതിഥി ആയിരുന്നു. ചാവറ പബ്ലിക് സ്കൂൾ പ്രിൻസിപ്പാൾ ഫാ. സാബു കൂടപ്പാട്ട് സ്വാഗതവും ബാലസാഹിത്യ ഇൻസ്റ്റിറ്റ്യൂട്ട് ഭരണസമിതി അംഗം സിജിത അനിൽ നന്ദിയും പറഞ്ഞു.
പുസ്തക നിറവിനോടനുബന്ധിച്ച് നടത്തിയ കഥയെഴുത്ത്, കവിതപാരായണം തുടങ്ങിയ മത്സരങ്ങളിൽ വിജയികളായവർക്ക് ഡയറക്ടർ പള്ളിയറ ശ്രീധരൻ സമ്മാനങ്ങൾ വിതരണം ചെയ്തു.
കുട്ടികൾ കലാപരിപാടികൾ അവതരിപ്പിച്ചു. കുട്ടികളിൽ വായനശീലം വർദ്ധിപ്പിക്കുന്നതിനായി സ്കൂളിൽ നടത്തിവരുന്ന പുസ്തകപ്രദർശനം നാളെ (15/11/2024) സമാപിക്കും.
