പാലാ: കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ടിൻ്റെ ആഭിമുഖ്യത്തിൽ പുസ്തകനിറവ് ശിശുദിനാഘോഷം എന്നിവ പാലാ ചാവറ പബ്ലിക് സ്കൂളിൽ നാളെ (13/11/2024) മുതൽ15 വരെ തീയതികളിൽ നടക്കുന്നു.
ശിശുദിനാഘോഷം സംസ്ഥാന ഭാഷാ ഇൻസ്റ്റിറ്റ്യൂട്ട് ഡയറക്ടർ എം. സത്യൻ ഉദ്ഘാടനം ചെയ്യും. ബാലസാഹിത്യ ഇൻസ്റ്റിറ്റ്യൂട്ട് ഡയറക്ടർ പള്ളിയറ ശ്രീധരൻ അദ്ധ്യക്ഷനാകുന്ന ചടങ്ങിൽ സിനിമ ഗാനരചയിതാവ് അജീഷ് ദാസൻ, ചാവറ സ്കൂൾ പ്രിൻപ്പാൾ ഫാ. സാബു കൂടപ്പാട്ട്, ബാലസാഹിത്യ ഇൻസ്റ്റിറ്റ്യൂട്ട് ഭരണസമിതി അംഗം സിജിത അനിൽ എന്നിവർ പ്രസംഗിക്കും.
കുട്ടികളിലെ വായന ശീലം പ്രോത്സാഹിപ്പിക്കുന്നതിനായി നടത്തിയ കഥ, കവിത മത്സരങ്ങളിൽ വിജയികളായവർക്ക് സമ്മാനദാനവും പുസ്തക പ്രദർശനവും ഉണ്ടായിരിക്കുന്നതാണ്.
