ഈരാറ്റുപേട്ട: കോട്ടയം ജില്ലാ പഞ്ചായത്തിന്റെ പുതിയ ഡിവിഷനായ തലനാട് ഡിവിഷനിൽ മികച്ച വിജയം നേടി ബിന്ദു സെബാസ്റ്റ്യൻ. 2949 വോട്ടാണ് ബിന്ദു സെബാസ്റ്റ്യന്റെ ഭൂരിപക്ഷം.
മൂന്നിലവ് പഞ്ചായത്ത് മുൻ പ്രസിഡന്റ്, ഈരാറ്റുപേട്ട ബ്ലോക്ക് പഞ്ചായത്ത് മുൻ പ്രസിഡന്റ്, മൂന്നിലവ് സർവീസ് സഹകരണ ബാങ്ക് ഭരണസമിതി അംഗം തുടങ്ങി പൊതുപ്രവർത്തന രംഗത്തെ സജീവ സാന്നിധ്യമാണ് ബിന്ദു സെബാസ്റ്റ്യൻ.
പൂഞ്ഞാർ ഡിവിഷനിൽ നിന്നും വിജയിച്ച ആർ. ശ്രീകല ടീച്ചറും തിളക്കമാർന്ന വിജയമാണ് നേടിയത്. 1773 വോട്ടാണ് ശ്രീകല ടീച്ചറിന്റെ ഭൂരിപക്ഷം.
ഈരാറ്റുപേട്ട ബ്ലോക്ക് പഞ്ചായത്ത് മുൻ പ്രസിഡന്റ്, കോൺഗ്രസ് ഭരണങ്ങാനം ബ്ലോക്ക് വൈസ് പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്.
