Tuesday, July 27, 2021
HomeMoonnilavu Newsഎബിൻ കെ സെബാസ്റ്റ്യൻ പാർട്ടി വിട്ടത് സംഘടനാ നടപടി മുൻകൂട്ടി അറിഞ്ഞ്; പോക്ക് പാർട്ടിക്ക് ഗുണം...

എബിൻ കെ സെബാസ്റ്റ്യൻ പാർട്ടി വിട്ടത് സംഘടനാ നടപടി മുൻകൂട്ടി അറിഞ്ഞ്; പോക്ക് പാർട്ടിക്ക് ഗുണം ചെയ്യുകയേ ഉള്ളു :തോമസുകുട്ടി മുകാല

യൂത്ത് കോൺഗ്രസ്‌ മൂന്നിലവ് മണ്ഡലം പ്രസിഡന്റ്‌ എബിൻ കെ സെബാസ്റ്റ്യൻ പാർട്ടി വിട്ടത് യൂത്ത് കോൺഗ്രസിന് സംഘടനാ തലത്തിലും, കർമ രംഗത്തും കൂടുതൽ കരുത്തു പകരുമെന്ന് യൂത്ത് കോൺഗ്രസ്‌ ജില്ലാ സെക്രട്ടറി തോമസുകുട്ടി മുകാല.

നാളുകളായി പാർട്ടിക്ക് ബാധ്യതയായി തുടരുകയായിരുന്നു എബിൻ. മൂന്നര വർഷം മണ്ഡലം പ്രസിഡന്റായി ഇരുന്നിട്ടും ഒരു മണ്ഡലം കമ്മിറ്റി വിളിച്ചു ചേർക്കുക പോലും എബിൻ ചെയ്തിട്ടില്ല.

യൂത്ത് കോൺഗ്രസ്‌ സംഘടനാ തലത്തിൽ എബിനെതിരെ നടപടി ഉണ്ടാവുമെന്ന് ഇക്കഴിഞ്ഞ ജില്ലാ കമ്മിറ്റിക്ക് ശേഷം സംഘടനാ ചാർജ് വഹിക്കുന്ന ജില്ലാ ജനറൽ സെക്രട്ടറി വിളിച്ചറിയിച്ചിട്ടുള്ളതാണ്. ഒരു മണ്ഡലം പ്രസിഡന്റ്‌ എന്ന നിലയിൽ എബിൻ തികഞ്ഞ പരാജയമായിരുന്നു.

തനിക്കെതിരെ ഉണ്ടാവാൻ സാധ്യതയുള്ള നടപടി മുന്നിൽക്കണ്ടാണ് ടിയാൻ ഏത് ചവറിനെയും തപ്പി നടക്കുന്ന ജോസ് കെ മാണിയുടെ പക്കൽ എത്തുന്നത്.

പാർട്ടി പരിപാടികളിൽ നിന്നും, തെരഞ്ഞെടുപ്പ് പ്രവർത്തനങ്ങളിൽ നിന്നും കൃത്യമായി കാരണമില്ലാതെ വിട്ടുനിൽക്കുക, പങ്കെടുക്കാൻ താല്പര്യ പെടുന്നവരെ അതിൽ നിന്നും പിന്തിരിപ്പിക്കാൻ ശ്രമിക്കുക, വാർഡ് തലത്തിൽ പരിപാടി നടത്തുന്ന യൂത്ത് കോൺഗ്രസ്‌ പ്രവർത്തകരെ തന്റെ അനുവാദമില്ലാതെ പരിപാടി മേലിൽ നടത്തരുത്തരെന്നു പറഞ്ഞു ശാസിക്കുക ഇങ്ങനെ നാളുകളായി ഇരിക്കുന്ന കൊമ്പ് മുറിക്കുന്ന പ്രവർത്തന ശൈലിയും, പെരുമാറ്റവുമാണ് എബിൻ കെ സെബാസ്ട്യൻറെ ഭാഗത്തു നിന്നും ഉണ്ടായിട്ടുള്ളത്.

യു.ഡി.എഫ് പാനലിൽ ബാങ്ക് ബോർഡ്‌ മെമ്പർ ആയി തിരഞ്ഞെടുക്കപ്പെട്ടെങ്കിലും അവിടെയും ഇടതു പക്ഷത്തോടാണ് എബിൻ കൂടുതൽ അഭിമുഖ്യം പ്രകടിപ്പിച്ചത്.

എബിന്റെ പുറത്തു പോക്ക് യൂത്ത് കോൺഗ്രസിന് കരുത്തു പകരുകയേ ഉള്ളു എന്നും, ടിയാനെക്കൊണ്ട് ഉദ്ദേശ്ശിക്കുന്ന തരത്തിലുള്ള യാതൊരു പ്രയോജനവും ജോസ് കെ മാണിക്കും, കേരള കോൺഗ്രസിനും ഉണ്ടാവാൻ പോവുന്നില്ലെന്നും, അത് അവർക്ക് വഴിയേ മനസ്സിലായിക്കൊള്ളും എന്നും, ഭാവിയിൽ അവർക്കു തന്നെ ബാധ്യതയായി മാറുകയെ ഉള്ളു എന്നും തോമസുകുട്ടി മുകാല കൂട്ടിച്ചേർത്തു.

പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും അറിയാന്‍ വാട്‌സാപ് ഗ്രൂപ്പില്‍ ജോയിന്‍ ചെയ്യൂ GROUP 19

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments