യുവമോര്‍ച്ച പാലാ മണ്ഡലം കമ്മിറ്റിയുടെ നേതൃത്വത്തില്‍ പാല ബിഷപ്പിന് പിന്തുണ പ്രഖ്യാപിച്ചുകൊണ്ട് ബിഷപ്പ് ഹൗസിന് മുന്‍പില്‍ ഐക്യദാര്‍ഢ്യ സമ്മേളനം നടത്തി.
ജിഹാദികള്‍ പാലാ ബിഷപ്പിനെതിരെ നടത്തിയ പ്രതിഷേധത്തിനെതിരെ യുവമോര്‍ച്ച പ്രതിഷേധിച്ചു.
യുവമോര്‍ച്ച മണ്ഡലം പ്രസിഡന്റ് അരുണ്‍ ചാരുപറമ്പില്‍ അദ്ധ്യക്ഷത വഹിച്ച യോഗം ബിജെപി കോട്ടയം ജില്ലാ പ്രസിഡന്റ് അഡ്വ.നോബിള്‍ മാത്യു ഉദ്ഘാടനം ചെയ്തു.
ബിഷപ്പ് ഉന്നയിച്ച വിഷയത്തിന്റെ ഗൗരവം കണക്കിലെടുത്ത് അതിന് പരിഹാരം കാണേണ്ടവര്‍ സത്യം പറഞ്ഞ ബിഷപ്പിനെതിരെ തിരിയുന്നവര്‍ക്ക് കുടപിടിക്കുന്ന നടപടിയാണ് കൈക്കൊള്ളുന്നതെന്നും ഇത് അംഗീകരിക്കാനാവില്ല എന്നും യോഗം ഉദ്ഘാടനം ചെയ്തു കൊണ്ട് അദ്ദേഹം പറഞ്ഞു.
ബിജെപി മണ്ഡലം പ്രസിഡന്റ് രണ്‍ജിത്ത് ജി മീനാഭവന്‍ ,യുവമോര്‍ച്ച ജില്ലാ പ്രസിഡന്റ് സോബിന്‍ലാല്‍, ന്യൂനപക്ഷമോര്‍ച്ച ജില്ലാ പ്രസിഡന്റ് ഡോ.ജോജി എബ്രഹം, ന്യൂനപക്ഷ ദേശീയ നിര്‍വ്വാഹക സമിതിയംഗം സുമിത്ത് ജോര്‍ജ്, യുവമോര്‍ച്ച ജനറല്‍ സെക്രട്ടറി സുധീഷ് നെല്ലിയ്ക്കന്‍, വൈസ് പ്രസിഡന്റ് ഉണ്ണികൃഷ്ണന്‍, കമ്മിറ്റിയംഗം അനന്ദു ന്യൂനപക്ഷമോര്‍ച്ച മണ്ഡലം പ്രസിഡന്റ് മാഗി ഡൊമനിക്ക് കല്ലറയ്ക്കല്‍, പഞ്ചായത്ത് ഭാരവാഹികളായ അനില്‍ വി നായര്‍, സാം കൊല്ലപ്പള്ളി തുടങ്ങിയവര്‍ സംസാരിച്ചു.
വരും ദിവസങ്ങളില്‍ ബിജെപിയുടെ വിവിധ മോര്‍ച്ചകളുടെ നേതൃത്വത്തില്‍ ഐക്യദാര്‍ഡ്യ സമ്മേളനങ്ങള്‍ നടക്കുമെന്ന് മണ്ഡലം പ്രസിസന്റ് രണ്‍ജിത്ത് ജി. മീനാഭവന്‍ പറഞ്ഞു.
പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും അറിയാന്‍ വാട്‌സാപ് ഗ്രൂപ്പില്‍ ജോയിന്‍ ചെയ്യൂ… GROUP 19