2020-21 കാലയളവില്‍ കേന്ദ്രാവിഷ്‌കൃത പദ്ധതിയായ പ്രധാനമന്ത്രി ഗ്രാമ സടക്ക് യോജന (പി.എം ജിഎസ്.വൈ) യില്‍ ഉള്‍പ്പെടുത്തി പാമ്പാടി ബ്ലോക്കിലെ കൂരോപ്പട പഞ്ചായത്തില്‍ പുനര്‍നിര്‍മ്മിക്കുന്ന കന്നുകുഴി – ളാക്കാട്ടൂര്‍ – ഉറുമ്പില്‍പടി -എസ്.എച്ച് കുരിശുപടി – പായിക്കാട്ടുപടി – പൗവത്ത് വടകരപ്പടി റോഡിന്റെ പുനര്‍ നിര്മ്മാണ ഉല്ഘാടനം പങ്ങട, റവ. ഡോ: ജോര്ജ് വാവാനികുന്നേല്‍ പാരിഷ് ഹാളില്‍ മുന്‍ മുഖ്യമന്ത്രി ശ്രീ ഉമ്മന്‍ ചാണ്ടി എം ല്‍ എ യുടെ അദ്ധ്യക്ഷതയില്‍ ചേര്‍ന്ന യോഗത്തില്‍ തോമസ് ചാഴികാടന്‍ എം. പി നിര്‍വഹിച്ചു.
കൂരോപ്പട ഗ്രാമ പഞ്ചായത്തിലെ അഞ്ച് വാര്‍ഡുകളില്‍ കൂടി കടന്നു പോകുന്ന എട്ടു കിലോമീറ്റര്‍ നീളമുള്ള ഈ റോഡിന്റെ പണി പൂര്‍ത്തിയാകുന്നതോടുകൂടി ആയിരക്കണക്കിന് ജനങ്ങളുടെ യാത്രാ ക്ലേശം പരിഹരിക്കുവാന്‍ സാധിക്കും എന്ന് എം പി ഉല്ഘാടന പ്രസംഗത്തില്‍ പറഞ്ഞു.
അഞ്ചു വര്ഷത്തേക്കുള്ള പരിപാലനം അടക്കമുള്ള നിര്മാണ ചെലവ് 4.93 കോടിയാണ്. ഉറവക്കല്‍ – കൂരോപ്പട റോഡില്‍ നിന്നും ആരംഭിച്ച് എസ്. എച്ച് കുരിശുപടി കന്നുകുഴി വഴി ളാക്കാട്ടൂര്‍ കവലക്കു സമീപം എത്തിച്ചേരുന്ന റോഡില്‍ 2 കലുങ്ക് നിര്മാണവും ഡ്രെയിനേജ് വര്‍ക്കുകളും ഉള്‍പ്പെടുത്തിയിട്ടുണ്ട്. 3.75 മീറ്റര്‍ വീതിയിലാണ് റോഡ് നിര്‍മ്മിക്കുന്നത്. ജനുവരി ആദ്യ വാരം നിര്മ്മാണ പ്രവര്ത്തികള്‍ പൂര്ത്തീകരിക്കും.
യോഗത്തില്‍ കോട്ടയം ജില്ലാ പഞ്ചായത്ത് പ്രസിഡന്റ് നിര്‍മ്മലാ ജിമ്മി, പാമ്പാടി ബ്ലോക്ക് പഞ്ചായത്ത് പ്രസിഡന്റ് മറിയാമ്മ എബ്രഹാം, കൂരോപ്പട ഗ്രാമ പഞ്ചായത്ത് പ്രസിഡന്റ് ഷീല ചെറിയാന്‍, ജില്ലാ പഞ്ചായത്ത് മെമ്പര് രാധ വി നായര്, ബ്ലോക്ക് പഞ്ചായത്ത് മെമ്പര്മാരായ ടി. എം ജോര്ജ്, അനീഷ് പന്താക്കല്‍, ബെറ്റി റോയി, പഞ്ചായത്ത് മെമ്പര്മാരായ ദീപ്തി ദിലീപ്, രാജമ്മ ആന്ഡ്രൂസ് , ടി. ജി മോഹനന്‍, ഷീല മാത്യൂ, അമ്പിളി മാത്യു, അനില്‍ കൂരോപ്പട, എക്‌സിക്യൂട്ടീവ് എഞ്ചിനീയര് (പി.എം.ജി.എസ്.വൈ) സുമ പി. സുരേന്ദ്രന്‍, പങ്ങട എസ്.എച്ച് ചര്‍ച്ച് വികാരി ഫാദര്‍ ജോണ്‍ കൊച്ചുമല, രാഷ്ട്രീയ പാര്‍ട്ടി പ്രതിനിധികളായ ഇ. എസ് വിനോദ്, ടി. കെ കുര്യാക്കോസ്, സാബു.സി കുര്യന്‍, ഇ. കെ സോമന്‍, ഫിലിപ്പ് തകിടിയേല്‍, ടി. എം ആന്റണി തുടങ്ങിയവര്‍ പ്രസംഗിച്ചു.
പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും അറിയാന്‍ വാട്‌സാപ് ഗ്രൂപ്പില്‍ ജോയിന്‍ ചെയ്യൂ… GROUP 19