പ്രവാസി ഭദ്രത, വി ആർ എഫ് ഫണ്ടുകൾ വിതരണം ചെയ്തു

കുറവിലങ്ങാട് : ഗ്രാമപഞ്ചായത്തിലെ കുടുംബശ്രീ സി.ഡി.എസ്സിന്റെ നേതൃത്വത്തിൽ നൽകുന്ന പ്രവാസി ഭദ്രത, വയോജന അയൽക്കൂട്ടം കോർപ്പസ് ഫണ്ട്, വി.ആർ.എഫ് എന്നിവ ഗ്രാമപഞ്ചായത്ത് പ്രസിഡന്റ് മിനി മത്തായി വിതരണം ചെയ്തു.

തൊഴിൽ നഷ്ട്ടപ്പെട്ട കുടുംബശ്രീ പ്രവാസി അംഗത്തിന് പ്രവാസി ഭദ്രതയിൽപെടുത്തി അനുവദിച്ചിരിക്കുന്ന രണ്ട് ലക്ഷം രൂപയുടെ പകുതിയാണ് ആദ്യ ഗഡുവായി നൽകിയത്. വയോജന അയൽക്കൂട്ടം പ്രവർത്തനങ്ങൾക്ക് 5000 രൂപവീതം നൽകുന്ന കോർപ്പസ് ഫണ്ട് 4 അയൽക്കൂട്ടങ്ങൾക്ക് കൈമാറി.

വാർഡ് തലത്തിൽ നൽകുന്ന വർണബിലിറ്റി റിഡക്ഷൻ ഫണ്ട് 2,5,6 വാർഡുകളിലെ എ.ഡി.എസ് ഭാരവാഹികൾ ഏറ്റുവാങ്ങി. ആശ്രയ പദ്ധതിയിൽപെടുത്തി ചെയ്ത ഭവന പുനഃരുദ്ധാരണ പ്രവർത്തനങ്ങൾ സമയബന്ധിതമായി പൂർത്തിയാക്കിയ കുഞ്ഞുമോൻ ആനവേലിൽനെ ചടങ്ങിൽ ആദരിച്ചു.

ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ എം.എൻ രമേശന്റെ അദ്ധ്യക്ഷതയിൽ ചേർന്ന യോഗം പഞ്ചായത്ത് പ്രസിഡന്റ് മിനി മത്തായി ഉദ്ഘാടനം ചെയ്തു. ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ ടെസ്സി സജീവ്, പഞ്ചായത്ത് അംഗങ്ങളായ ബേബി തൊണ്ടാംകുഴി, ജോയിസ് അലക്സ്, ബിജു ജോസഫ്, കുടുംബശ്രീ ചെയർപേഴ്സൺ ബീന തമ്പി, ചാർജ്ജ് സെക്രട്ടറി കെ.ആർ സാവിത്രി, ഉഷാ സുരേന്ദ്രൻ, ജഗദമ്മ തമ്പി, ഗീത വിജയൻ, സജി റോയി, റെജി സന്തോഷ്, അമ്മിണി തങ്കച്ചൻ, സിന്ധു രവീന്ദ്രൻ എന്നിവർ പ്രസംഗിച്ചു.