പാലായില്‍ കോവിഡ് വ്യാപനം രൂക്ഷം; സ്ഥാനാര്‍ഥികള്‍ക്ക് തെരഞ്ഞെടുപ്പ് പ്രചാരണത്തില്‍ കര്‍ശന നിയന്ത്രണങ്ങള്‍, നിര്‍ദേശങ്ങള്‍ ഇങ്ങനെ

പാലായില്‍ കോവിഡ് വ്യാപനം രൂക്ഷമാകുന്ന സാഹചര്യത്തില്‍ സ്ഥാനാര്‍ഥികള്‍ക്കും പാര്‍ട്ടി പ്രവര്‍ത്തകര്‍ക്കും കര്‍ശന നിര്‍ദേശങ്ങളുമായി ആരോഗ്യവകുപ്പ്. ഇതുവരെ മൂന്നു സ്ഥാനാര്‍ഥികള്‍ക്കു കോവിഡ് സ്ഥിരീകരിച്ച സാഹചര്യത്തിലാണ് മുന്‍കരുതല്‍ നടപടിയായി കര്‍ശന നിയന്ത്രണങ്ങള്‍ ഏര്‍പ്പെടുത്തിയത്.

നിര്‍ദ്ദേശങ്ങള്‍

Advertisements
  • ഭവന സന്ദര്‍ശന സംഘത്തില്‍ സ്ഥാനാര്‍ഥി ഉള്‍പ്പെടെ പരമാവധി അഞ്ചുപേര്‍ മാത്രമേ പങ്കെടുക്കാന്‍
    പാടുള്ളൂ.
  • കോവിഡ് പ്രോട്ടോകോള്‍ പാലിച്ചു വേണം സ്ഥാനാര്‍ഥികളും പ്രവര്‍ത്തകരും മറ്റും ഭവനസന്ദര്‍ശനം നടത്തേണ്ടത്.
  • വീടുകള്‍ക്കുള്ളില്‍ പ്രവേശിക്കാതെ രണ്ടു മീറ്റര്‍ അകലം പാലിച്ച് വോട്ട് അഭ്യര്‍ത്ഥിക്കുക.
  • എല്ലാ അംഗങ്ങളും മൂക്കും വായും മൂടുന്ന തരത്തില്‍ ശരിയായ രീതിയില്‍ മാസ്‌ക് ധരിക്കുകയും പരസ്പരം അകലം പാലിക്കുകയും വേണം.
  • സംസാരിക്കുമ്പോള്‍ ഒരു കാരണവശാലും മാസ്‌ക് താഴ്ത്തരുത്.
  • ആലിംഗനം, ഹസ്തദാനം, അനുഗ്രഹം വാങ്ങല്‍, ദേഹത്തു സ്പര്‍ശിക്കുക, കുട്ടികളെ എടുക്കുക എന്നിവ ഒഴിവാക്കുക.
  • കൈകള്‍ ഇടയ്ക്കിടയ്ക്ക് സാനിറ്റൈസര്‍ ഉപയോഗിച്ച് അണുവിമുക്തമാക്കുക.
  • വിതരണത്തിനുള്ള നോട്ടീസുകളും ലഘുരേഖകളും പരിമിതപ്പെടുത്തി സോഷ്യല്‍ മീഡിയയുടെ സാധ്യതകള്‍ ഉപയോഗപ്പെടുത്തുക.
  • വയോജനങ്ങള്‍, കുട്ടികള്‍, ഗുരുതര രോഗങ്ങള്‍ക്ക് മരുന്നു കഴിക്കുന്നവര്‍, ഗര്‍ഭിണികള്‍ എന്നിവരോട് ഒരു കാരണവശാലും ഇടപഴകരുത.്
  • പനി, ചുമ, തൊണ്ടവേദന തുടങ്ങിയ ലക്ഷണങ്ങളില്‍ എന്തെങ്കിലുമുണ്ടെങ്കില്‍ പ്രചാരണത്തിന് ഇറങ്ങരുത്.
  • മാസ്‌ക്, സാനിറ്റൈസര്‍, രണ്ടു മീറ്റര്‍ ശാരീരിക അകലം പാലിക്കുക തുടങ്ങിയ കോവിഡ് പ്രതിരോധ സന്ദേശങ്ങള്‍ പ്രചാരണ പ്രവര്‍ത്തനങ്ങളില്‍ ഉള്‍പ്പെടുത്തണം.
  • ഹാരം, ബൊക്കെ, നോട്ടുമാല തുടങ്ങിയവ സ്വീകരണ പരിപാടിയില്‍ നിന്നും ഒഴിവാക്കണം.
  • പൊതുയോഗങ്ങള്‍, കുടുംബയോഗങ്ങള്‍ എന്നിവ കോവിഡ്-19 നിയന്ത്രണങ്ങള്‍ പാലിച്ചു മാത്രമേ നടത്താന്‍ പാടുള്ളൂ.
  • പൊതുയോഗങ്ങള്‍ നടത്തുന്നതിന് പോലീസിന്റെ മുന്‍കൂര്‍ അനുമതി വാങ്ങണം.
  • റോഡ് ഷോ, വാഹന റാലി എന്നിവയ്ക്ക് പരമാവധി മൂന്ന് വാഹനങ്ങള്‍ മാത്രം.
  • ജാഥ, ആള്‍ക്കൂട്ടം, കൊട്ടിക്കലാശം എന്നിവ കോവിഡ് 19 പശ്ചാത്തലത്തില്‍ ഒഴിവാക്കേണ്ടതാണ്.
  • പ്രചാരണ ശേഷം വീട്ടില്‍ മടങ്ങിയെത്തിയാല്‍ ഉടന്‍ വസ്ത്രങ്ങള്‍ സോപ്പ് ഉപയോഗിച്ച് കഴുകി വെയിലത്തുണക്കിയോ ഇസ്തിരിയിട്ടോ ഉപയോഗിക്കുക.
  • കുളിച്ചു വൃത്തിയായ ശേഷം മാത്രം മറ്റുള്ളവരുമായി ഇടപെടുക.
  • കോവിഡ് പോസിറ്റീവ് രോഗികള്‍, ക്വറന്റൈനില്‍ തുടരുന്നവര്‍ എന്നിവരുടെ വീടുകളില്‍ പോകാതെ ഫോണ്‍, സാമൂഹ്യ മാധ്യമങ്ങള്‍ വഴി വോട്ട് അഭ്യര്‍ത്ഥിക്കുക.
  • സ്ഥാനാര്‍ഥി കോവിഡ് പോസിറ്റീവ് ആയാല്‍ പ്രചാരണത്തില്‍ നിന്നും പിന്മാറി ക്വാറന്റയിനില്‍ പ്രവേശിക്കുക.
  • ടെസ്റ്റ് റിസള്‍ട്ട് നെഗറ്റീവ് ആയതിനുശേഷം ആരോഗ്യവകുപ്പിന്റെ നിര്‍ദേശാനുസരണം മാത്രമേ തുടര്‍പ്രവര്‍ത്തനം പാടുള്ളൂ.
  • കോവിഡ് പോസിറ്റീവ് ആയവരുമായി ഏതെങ്കിലും തരത്തില്‍ സമ്പര്‍ക്കത്തില്‍ ഏര്‍പ്പെടുന്നവര്‍ നാടിന്റെ നന്മയെ കരുതി തീര്‍ച്ചയായും ക്വാറന്റയിനില്‍ പ്രവേശിക്കുക.

You May Also Like

Leave a Reply