ഈരാറ്റുപേട്ട : ദേശിയ വിദ്യാഭ്യാസ നയം 2020 പഹ,കര്‍ഷക വിരുദ്ധ കാര്‍ഷിക നിയമങ്ങള്‍, പൊതുമേഖല,സ്വാകാര്യ വത്കരണം, ഇന്ധന വിലവര്‍ധനവ് പിന്‍വലിക്കുക തുടങ്ങിയ ആവിശ്യങ്ങള്‍ ഉന്നയിച്ചുകൊണ്ട് എസ്എഫ്‌ഐയുടെ നേതൃത്വത്തില്‍ സേവ് ഇന്ത്യ മാര്‍ച്ച് സംഘടിപ്പിച്ചു .
എസ്എഫ്‌ഐ പൂഞ്ഞാര്‍ ഏരിയ കമ്മിറ്റിയുടെ നേതൃത്വത്തില്‍ പൂഞ്ഞാറില്‍ നിന്നും ഈരാറ്റുപേട്ടയിലേക്ക് നടത്തിയ കാല്‍നട ജാഥക്ക് ജില്ലാ വൈസ് പ്രസിഡന്റ് പി എ ഷെമീര്‍ ക്യാപ്റ്റനും, ഏരിയ സെക്രട്ടറി കെബി അഖില്‍ വൈസ് ക്യാപ്റ്റനും, പ്രസിഡന്റ് നന്തു എസ് ജാഥ മാനേജറുമായി.
വൈകിട്ട് മൂന്ന് മണിക്ക് ആരംഭിച്ച ജാഥ സിപിഐ എം ജില്ലാ കമ്മിറ്റി അംഗം രമ മോഹന്‍ ഫ്‌ലാഗ് ഓഫ് ചെയ്ത് ഉദ്ഘാടനം നടത്തി. വൈകിട്ട് അഞ്ചു മണിക്ക് ഈരാറ്റുപേട്ട സെന്‍ട്രല്‍ ജങ്ക്ഷനില്‍ ചേര്‍ന്ന് സമാപനം യോഗം സിപിഐ എം ജില്ലാ കമ്മിറ്റി അംഗം ജോയ് ജോര്‍ജ് ഉദ്ഘാടനം ചെയ്തു.
സിപിഐ പൂഞ്ഞാര്‍ ഏരിയ സെക്രട്ടറി കുര്യാക്കോസ് ജോസഫ്, ഡിവൈ എഫ്‌ഐ ബ്ലോക്ക് സെക്രട്ടറി മിഥുന്‍ ബാബു, മേഖല സെക്രട്ടറി കണ്ണന്‍ എന്നിവര്‍ സംസാരിച്ചു.
യോഗത്തിന് ഏരിയ പ്രസിഡന്റ് നന്ദു എസ് അധ്യക്ഷനായി. സെക്രട്ടറി കെ ബി അഖില്‍ സ്വാഗതവും, ഈരാറ്റുപേട്ട ലോക്കല്‍ സെക്രട്ടറി ഹാഷിര്‍ നന്ദിയും പറഞ്ഞു.
പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും അറിയാന്‍ വാട്‌സാപ് ഗ്രൂപ്പില്‍ ജോയിന്‍ ചെയ്യൂ… GROUP 19