പാലാ: ലയൺസ് ഡിസ്ട്രിക്ട് 318B- ലെ യൂത്ത് എംപവർമെൻ്റ് പ്രോഗ്രാമിൻ്റെ ഭാഗമായി ലയൺസ് ക്ലബ് ഓഫ് പാലാ പാലാ ഗവണ്മെന്റ് പോളിടെക്‌നിക്‌ കോളേജ് പ്ലേസ്മെന്റ് സെല്ലുമായി ചേർന്ന് രണ്ടാം വർഷ വിദ്യാർത്ഥികൾക്കായി ‘ചെയ്‌സ് യുവർ ഡ്രീംസ് ‘ എന്ന വിഷയത്തിൽ യുവജന ശാക്തീകരണ സെമിനാർ സംഘടിപ്പിച്ചു.
കോളേജ് പ്രിൻസിപ്പൽ അനി എബ്രഹാം അധ്യക്ഷ ആയ പ്രോഗ്രാം പാലാ മുനിസിപ്പൽ ചെയർപേഴ്സൺ ജോസിൻ ബിനോ ഉദഘാടനം ചെയ്തു. ലയൺസ് ജില്ലാ സെക്രട്ടറി സിബി മാത്യൂ പ്ലാത്തോട്ടം മുഖ്യ പ്രഭാഷണം നടത്തി.
ലയൺസ് ക്ലബ് ഓഫ് പാല പ്രസിഡന്റ് ജോയ് പ്ലാത്തോട്ടം, കോളേജ് പി ടി എ സെക്രട്ടറി ശ്യാംരാജ്‌ ആർ എൽ, പ്ലേസ്മെന്റ് ഓഫീസർ നെവിൻ ജോസ് എന്നിവർ സംസാരിച്ചു. മോട്ടിവേഷണൽ ട്രെയിനരായ എസ് രാധാകൃഷ്ണൻ സെമിനാറിന് നേതൃത്വം നൽകി.300 ഓളം കോളേജ് വിദ്യാർത്ഥികളും, അധ്യാപകരും പങ്കെടുത്തു.
