പൈക ആശുപത്രിക്കു മാത്തച്ചൻ കുരുവിനാക്കുന്നേലിൻ്റെ പേര്: മുഖ്യമന്ത്രി നിർദ്ദേശം നൽകി

പാലാ: പൈക സാമൂഹിക ആരോഗ്യകേന്ദ്രത്തിന് മാത്തച്ചൻ എം കുരുവിനാക്കുന്നേലിൻ്റെ പേർ നൽകുന്നതു സംബന്ധിച്ചു നടപടികൾ സ്വീകരിക്കാൻ മുഖ്യമന്ത്രി ആരോഗ്യവകുപ്പ് മന്ത്രിക്കു നിർദ്ദേശം നൽകിയതായി മാണി സി കാപ്പൻ എം എൽ എ അറിയിച്ചു.

ഈ ആവശ്യമുന്നയിച്ചു മുഖ്യമന്ത്രിക്കു എം എൽ എ നൽകിയ നിവേദനത്തിനുള്ള മറുപടിയിലാണ് മുഖ്യമന്ത്രി ഇക്കാര്യം അറിയിച്ചത്.

പൈക ടൗണിൽ സ്ഥിതി ചെയ്യുന്ന ആശുപത്രിക്കാവശ്യമായ രണ്ടേക്കറിലധികം സ്ഥലം സൗജന്യമായി വിട്ടു നൽകിയത് മാത്തച്ചൻ എം കുരുവിനാക്കുന്നേൽ ആണെന്ന് എം എൽ എ നിവേദനത്തിൽ ചൂണ്ടിക്കാട്ടിയിരുന്നു.

നിസ്വാർത്ഥ പൊതുപ്രവർത്തനത്തിൻ്റെ ഉദാത്ത മാതൃകയാണ് മാത്തച്ചൻ കുരുവിനാക്കുന്നേൽ എന്ന് എം എൽ എ കത്തിൽ വ്യക്തമാക്കിയിട്ടുണ്ട്.