കോട്ടയം: ജില്ലയിലെ 4.98 ലക്ഷം റേഷൻകാർഡ് ഉടമകൾക്കുള്ള ഓണക്കിറ്റുകൾ സപ്ലൈകോ ഔട്ട്ലെറ്റുകളിൽ ഒരുങ്ങുന്നു. സഞ്ചി അടക്കം പതിനാലിനങ്ങൾ അടങ്ങുന്നതാണ് ഓണക്കിറ്റ്.
ഒരു കിലോ അരി, അരക്കിലോ വെളിച്ചെണ്ണ, അരക്കിലോ ചെറുപയർ, കാൽകിലോ പരിപ്പ്, 100 ഗ്രാം തേയിലപ്പൊടി, 100 ഗ്രാം മുളകുപൊടി, ഒരു കിലോ ഉപ്പ്, 100 ഗ്രാം മഞ്ഞൾപ്പൊടി, അരക്കിലോ ഉണക്കലരി, 50 ഗ്രാം കശുവണ്ടിപരിപ്പ്, 20 ഗ്രാം ഏലയ്ക്കാ, 50 മില്ലി നെയ്, 100 ഗ്രാം ശർക്കര വരട്ടി എന്നിവയാണ് സൗജന്യകിറ്റിൽ.
