തിരുവനന്തപുരം: മുല്ലപ്പെരിയാര് ഡാം വെള്ളിയാഴ്ച തുറക്കുമെന്ന് ജലവിഭവ മന്ത്രി റോഷി അഗസ്റ്റിൻ. ജലനിരപ്പ് താഴ്ന്നില്ലെങ്കില് വെള്ളിയാഴ്ച രാവിലെ ഏഴിന് ഡാം തുറക്കുമെന്ന് തമിഴ്നാട് കേരളത്തെ അറിയിച്ചു.
ഡാം തുറക്കുന്നതിന് മുന്പായുള്ള മുന്നൊരുക്കങ്ങള് കേരളം ഇതിനോടകം സ്വീകരിച്ചിട്ടുണ്ട്. ഇക്കാര്യത്തില് സംസ്ഥാനം സജ്ജമാണെന്നും മന്ത്രി ഫേസ്ബുക്കിൽ കുറിപ്പിൽ പറഞ്ഞു.
നിലവില് 137.75 അടിയാണ് മുല്ലപ്പെരിയാറിലെ ജലനിരപ്പ്. സെക്കന്ഡില് 3800 ഘനയടിയാണ് ഇപ്പോള് ഒഴുകിയെത്തുന്ന ജലം. 2300 ഘനയടി ജലം തമിഴ്നാട് കൊണ്ടുപോകുന്നുണ്ടെന്നും റോഷി പറഞ്ഞു.
പാലായിലെയും സമീപ പ്രദേശങ്ങളിലെയും വാര്ത്തകളും ജോലി സാധ്യതകളും അറിയാന് വാട്സാപ് ഗ്രൂപ്പില് ജോയിന് ചെയ്യൂ… GROUP 19