മാവേലിക്കര ലയൺസ് ക്ലബ് യൂത്ത് എംപവർമെന്റ് പദ്ധതി പുതിയകാവ് സെന്റ് മേരീസ് കത്തീഡ്രൽ പബ്ലിക് സ്കൂളിൽ ലയൺസ് ക്ലബ് ഡിസ്ട്രിക്ട് ഗവർണർ ഡോ. സണ്ണി വി.സഖറിയ ഉദ്ഘാടനം ചെയ്തു. മുൻ ഡിജിപി ഡോ.അലക്സാണ്ടർ ജേക്കബ് ക്ലാസെടുത്തു.
ലയൺസ് ക്ലബ് പ്രസിഡന്റ് എൻ.കെ.കുര്യൻ അധ്യക്ഷത വഹിച്ചു സ്കൂൾ മാനേജർ എ.ഡി. ജോൺ സ്കൂളിന്റെ ഉപഹാരം മുൻ ഡിജിപി ഡോ അലക്സാണ്ടർ ജേക്കബിനു കൈമാറി. ലയൺസ് ജില്ലാ കോഓർഡിനേറ്റർ സിബി മാത്യു, പ്രോജക്ട് കോർഡിനേറ്റർ ജോസഫ് ജോൺ, സ്കൂൾ ചെയർമാൻ ഫാ .എബി ഫിലിപ്, പ്രിൻസിപ്പൽ റീന ഫിലിപ്, വൈസ് പ്രിൻസിപ്പൽ പി.ആർ. ശ്രീകല എന്നിവർ പ്രസംഗിച്ചു.
പുതിയകാവ് സെന്റ് മേരീസ് കത്തീഡ്രൽ പബ്ലിക് സ്കൂൾ, ഇൻഫന്റ് ജീസസ് സ്കൂൾ, ബിഷപ് മൂർ വിദ്യാപീഠം എച്ച്എസ്എസ് എന്നിവിടങ്ങളിലെ തിരഞ്ഞെടുക്കപ്പെട്ട വിദ്യാർഥികൾ ക്ലാസിൽ പങ്കെടുത്തു.
