അത്യാധുനിക സൗകര്യങ്ങളുമായി മാർ സ്ലീവാ മെഡിസിറ്റി പാലായുടെ പുതിയ ബ്ലോക്ക് പ്രവർത്തനം ആരംഭിച്ചു

പാലാ: മാർ സ്ലീവാ മെഡിസിറ്റി പാലായുടെ പുതിയ ബ്ലോക്ക് ഇന്നലെ മുതൽ പ്രവർത്തനം ആരംഭിച്ചു. കോവിഡ് മാനദണ്ഡങ്ങൾ എല്ലാം അനുസരിച്ച് ഇന്നലെ വൈകുന്നേരം 5 മണിക്ക് ആശുപത്രിൽ വെച്ച് നടത്തിയ ചടങ്ങിൽ മാർ ജേക്കബ് മുരിക്കൻ പിതാവിന്റെയും, മാർ ജോസഫ് പള്ളിക്കാപറമ്പിൽ പിതാവിന്റെയും മഹനീയ സാന്നിധ്യത്തിലാണ് പാലാ രൂപത ബിഷപ് മാർ ജോസഫ് കല്ലറങ്ങാട്ട് പുതിയ ബ്ലോക്കിന്റെ ആശീർവാദകർമ്മം നിർവഹിച്ചത്.


130 ഓളം മുറികളുള്ള ഈ ബ്ലോക്കിൽ എ സി, നോൺ എ സി, ഡീലക്സ് വിഭാഗങ്ങളിൽ മുറികൾ ലഭ്യമാണ്. ലോകത്തര നിലവാരത്തിലുള്ള സൗകര്യങ്ങളോട് കൂടിയ നഴ്സസ് കോൾ സിസ്റ്റം, എല്ലാ മുറികളിലും 5 function motorised ബെഡുകൾ, പൊള്ളലുകൾ ഏൽക്കുന്നവർക്കായി അത്യാധുനിക സജീകരണങ്ങളുള്ള ബേൺ ഐ സി യൂ, അവയവ മാറ്റിവയ്ക്കൽ ശസ്ത്രക്രിയകൾക്കായുള്ള ട്രാൻസ്പ്ലാന്റ് ഐ സി യൂ തുടങ്ങി നിരവധി സൗകര്യങ്ങളോട് കൂടിയാണ് പുതിയ ബ്ലോക്ക് പ്രവർത്തനം ആരംഭിച്ചിരിക്കുന്നത്.

Advertisements

41 ൽ പരം വിഭാഗങ്ങളും 140 ലധികം ഡോക്ടർസും അടങ്ങുന്ന മെഡിസിറ്റിയിൽ 3 റ്റി എം ആർ ഐ, 128 സ്ലൈസ് സി ടി, 24 മണിക്കൂറും പ്രവർത്തന നിരതമായ എമർജൻസി ആൻഡ് റേഡിയോളജി വിഭാഗങ്ങൾ, 11 ഓപ്പറേഷൻ തീയേറ്ററുകൾ തുടങ്ങി നിരവധി സൗകര്യങ്ങൾ ലഭ്യമാണ്.

ഇതോടെ ജനങ്ങൾക്ക് സമ്പൂർണ്ണ ആരോഗ്യ സംരക്ഷണം ഒരു കുടകീഴിൽ നൽകുകയാണ് മാർ സ്ലീവാ മെഡിസിറ്റി പാലാ.

അലോപ്പതിക്കൊപ്പം ആയുർവേദ & ഹോമിയോപ്പതി വിഭാഗങ്ങളും മാർ സ്ലീവാ മെഡിസിറ്റിയിൽ പ്രവർത്തിക്കുന്നതിലൂടെ ഒരു ട്രിപ്പിൾ ഡൈമെൻഷൻ ആണ് മെഡിസിറ്റിയിലൂടെ ജനങ്ങൾക്ക് ലഭ്യമാകുന്നത് .ഇതിലൂടെ മെഡിസിറ്റി ആരോഗ്യരംഗത്തിന് പുതിയൊരു സംസ്കാരം നൽകുകയാണ് എന്ന് ബിഷപ്പ് മാർ ജോസഫ് കല്ലറങ്ങാട്ട് പറഞ്ഞു.

ചടങ്ങിൽ മാർ സ്ലീവാ മെഡിസിറ്റി പാലാ മാനേജിങ് ഡയറക്ടർ മോൺ. ഏബ്രഹാം കൊല്ലിത്താനത്തുമലയിൽ, ബ്രാൻഡിംഗ് & ഹെൽത്ത്കെയർ പ്രൊമോഷൻസ് ഡയറക്ടർ ഫാ. ജോർജ് വേളൂപ്പറമ്പിൽ, പ്രൊജക്റ്റ് ഡയറക്ടർ ഫാ. ജോസ് കീരഞ്ചിറ, മെഡിക്കൽ ഡയറക്ടർ ഡോ. ലിസ്സി തോമസ് എന്നിവർ പ്രസംഗിച്ചു.

പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും മറ്റ് അറിവുകളും വാട്ട്‌സാപ്പില്‍ ലഭിക്കുന്നതിന് ഗ്രൂപ്പില്‍ ജോയിന്‍ ചെയ്യൂ. GROUP 3, GROUP 5

You May Also Like

Leave a Reply