Main News

2000 രൂപയുടെ നോട്ടുകള്‍ സ്വീകരിക്കുമെന്ന് കെഎസ്ആര്‍ടിസി

രാജ്യത്ത് ആര്‍ബിഐ പിന്‍വലിച്ച 2000 രൂപയുടെ നോട്ടുകള്‍ നിലവില്‍ സാധാരണ പോലെ റിസര്‍വ്ബാങ്ക് നിര്‍ദ്ദേശം നല്‍കിയ തീയതി വരെ കെഎസ്ആര്‍ടിസി ബസ്സുകളില്‍ സ്വീകരിക്കും. ഇതിന് എല്ലാ യൂണിറ്റുകള്‍ക്കും കണ്ടക്ടര്‍മാര്‍ക്കും ടിക്കറ്റ് കൗണ്ടര്‍ ജീവനക്കാര്‍ക്കും മാനേജ്‌മെന്റ് നിര്‍ദ്ദേശം നല്‍കി.

ഇതിന് വിപരീതമായി വരുന്ന വാര്‍ത്തകളും അറിയിപ്പികളും വാസ്തവവിരുദ്ധമാണ്. നോട്ടുകള്‍ സ്വീകരിക്കരുത് എന്ന യാതൊരു നിര്‍ദ്ദേശവും നല്‍കിയിട്ടില്ല എന്നും നോട്ടുകള്‍ സ്വീകരിക്കാത്ത പരാതികള്‍ വന്നാല്‍ ഉത്തരവാദികള്‍ക്കെതിരെ കര്‍ശന നടപടികള്‍ സ്വീകരിക്കും എന്നും മാനേജ്‌മെന്റ് വ്യക്തമാക്കി.

നോട്ട് നിരോധിച്ചതിന് പിന്നാലെ നിരോധിച്ച നോട്ടുകള്‍ കെഎസ്ആര്‍ടിസി സ്വീകരിക്കില്ലെന്ന രീതിയില്‍ തെറ്റായ വാര്‍ത്തകള്‍ പ്രചരിക്കുന്നത് ശ്രദ്ധയില്‍ പെട്ടതിനെ തുടര്‍ന്നാണ് ഇത്തരം നിര്‍ദേശങ്ങള്‍ സംബന്ധിച്ച് വ്യക്തത വരുത്തുന്നത് എന്ന് കെഎസ്ആര്‍ടിസി ചെയര്‍മാന്‍ ആന്‍ഡ് മാനേജിങ് ഡയറക്ടറുടെ കാര്യാലയം അറിയിച്ചു.

Leave a Reply

Your email address will not be published.