പാലാ : സംസ്ഥാന സർക്കാർ ബഡ്ജറ്റിലൂടെ നടപ്പാക്കാൻ ഉദ്ദേശിക്കുന്ന അശാസ്ത്രീയമായ നികുതി നിർദേശങ്ങളിലും ഹെൽത്ത് കാർഡ് മാനദണ്ഡങ്ങളില്ലും പ്രതിഷേധിച്ച് കേരള വ്യാപാരി വ്യവസായി ഏകോപന സമിതി 28ന് സെക്രട്ടറിയേറ്റ് മാർച്ച് സംഘടിപ്പിക്കും.
സെക്രട്ടറിയേറ്റ് മാർച്ചിന്റെ പ്രചരണാർത്ഥം ഏകോപനസമിതി കോട്ടയം ജില്ലാ കമ്മിറ്റി സംഘടിപ്പിച്ചിരിക്കുന്ന വാഹന പ്രചരണ ജാഥക്ക് ഇന്ന് പാലായിൽ സ്വീകരണം നൽകും.
വ്യാപാര മേഖലയിൽ നിരന്തരം ഉണ്ടാവുന്ന പ്രയാസങ്ങൾ സാധാരണ ജനങ്ങളെ ബോധ്യപ്പെടുത്തുന്നതിനായിട്ടാണ് ജാഥ സംഘടിപ്പിച്ചിരിക്കുന്നത്. ഹെൽത്ത് കാർഡിന്റെ പേരിൽ നടപ്പാക്കിയിരിക്കുന്ന അശാസ്ത്രീയമായ നിബന്ധനകൾ പിൻവലിക്കുക, ഡീസൽ- പെട്രോൾ വിലയിൽ ഏർപ്പെടുത്തിയിരിക്കുന്ന പ്രത്യേക സെസ്, കെട്ടിട നികുതി വർദ്ധന, വെള്ളക്കര വർദ്ധനവ്, പിൻവലിക്കുക, വികസനത്തിന്റെ പേരിൽ വ്യാപാരസ്ഥാപനങ്ങൾ ഒഴിയേണ്ടി വരുന്ന വ്യാപാരികൾക്ക് പുനരധിവാസവും നഷ്ടപരിഹാരവും ഉറപ്പാക്കുക, തുടങ്ങിയ ആവശ്യങ്ങൾക്ക് അടിയന്തര പരിഹാരം കാണണമെന്ന് സമിതി ആവശ്യപ്പെട്ടു.
ഇന്ന് വൈകുന്നേരം 6. 30ന് ളാലം പാലം ജംഗ്ഷനിൽ എത്തിച്ചേരുന്ന ജാഥയ്ക്ക് ഏകോപന സമിതി പാലാ യൂണിറ്റിന്റെ നേതൃത്വത്തിൽ വിപുലമായ സ്വീകരണം നൽകും സ്വീകരണ സമ്മേളനത്തിന് ഏകോപന സമിതി സമിതി യൂണിറ്റ് പ്രസിഡണ്ട് വക്കച്ചൻ മറ്റത്തിൽ എക്സ്. എംപി, ജനറൽ സെക്രട്ടറി വി. സി. ജോസഫ്, ജോസ് ജോസഫ് ചെറുവള്ളി, അലക്സ് ജോർജ് മനയാനി, അനൂപ് ജോർജ്, ജയേഷ് പി ജോർജ്, ജിസ്മോൻ കുറ്റിയാങ്കൽ, എബിസൺ ജോസ്, ബേബിച്ചൻ പുരയിടത്തിൽ, മനോജ് വൈപ്പന,
ജോൺ ദർശന, ബിബിൻ തോമസ്, വിപിൻ പോൾസൺ, ജോമോൻ കുറ്റിയാങ്കൽ, അജോമോൻ, സാബു പൂവേലി, ടോം ആനക്കല്ലങ്കൽ, സോണറ്റ്, അനീഷ് ജോർജ്, തുടങ്ങിയവർ നേതൃത്വം നൽകും.
