കടനാട്: കേരള കോണ്‍ഗ്രസിനെ പറിച്ചെറിഞ്ഞവരെ ഇന്ന് ജനം ചവറുകൊട്ടയില്‍ എറിയുകയാണെന്ന് കേരള കോണ്‍ഗ്രസ് (എം) ചെയര്‍മാന്‍ ജോസ്.കെ .മാണി.
അണികള്‍ കൊഴിഞ്ഞ് ദേശീയ പാര്‍ട്ടികള്‍ പോലും എല്ലും തോലുമായി തീരുന്ന കാഴ്ചയ്ക്ക് സാക്ഷ്യം വഹിക്കുകയാണ് എന്നും അദ്ദേഹം പറഞ്ഞു. കടനാട് പഞ്ചായത്തിലെ വിവിധ പാര്‍ട്ടികളില്‍ നിന്നും കേരള കോണ്‍ഗ്രസ് (എം-)ല്‍ എത്തിയ നൂറില്‍ പരം പേര്‍ക്ക് പാര്‍ട്ടി അംഗത്വം നല്‍കുന്ന യോഗം ഉദ്ഘാടനം ചെയ്യുകയായിരുന്നു അദ്ദേഹം.
ചടങ്ങില്‍ പ്രൊഫ. ലോപ്പസ് മാത്യു അദ്ധ്യക്ഷത വഹിച്ചു. ഫിലിപ്പ് കുഴികുളം, സണ്ണി തെക്കേടം, ബേബി ഉറുമ്പുകാട്ട്, ബേബി കുറുവത്താഴെ, പ്രസാദ് വടക്കേട്ട്, മാത്തുക്കുട്ടി കഴിഞ്ഞാലി, തോമസ് പുതിയാമഠം, സെന്‍ പുതുപറമ്പില്‍, ജിജി തമ്പി, മത്തച്ചന്‍ ഉറുമ്പുകാട്ട് എന്നിവര്‍ പ്രസംഗിച്ചു.
കടനാട് പഞ്ചായത്തിലെ വിവിധ രാഷ്ട്രീയ പാര്‍ട്ടികളുടെ നേതാക്കളും പ്രവര്‍ത്തകരും കേരള കോണ്‍ഗ്രസ് (എം) – ല്‍ ചേര്‍ന്നു.
ഗ്രാമ പഞ്ചായത്ത് അംഗവും മുന്‍ പഞ്ചായത്ത് പ്രസിഡണ്ടുമായ ജയ്‌സണ്‍ പുത്തന്‍കണ്ടം, ജനപക്ഷം നേതാവ് ബെന്നി ഈരൂരിക്കല്‍, മുന്‍ കടനാട് സഹകരണ ബാങ്ക് പ്രസിഡണ്ട് ബേബി പുത്തന്‍പുര, ബി.ജെ.പി മുന്‍ ജില്ലാ സെക്രട്ടറി കെ.എം.സന്തോഷ് കുമാര്‍, ജോണി അഴകന്‍പറമ്പില്‍, ജോര്‍ജ് അഗസ്ത്യന്‍, ഗോഡ്‌ഫ്രേ ജോസ്, ബാബു മണക്കാട്ട്, രാജു കിഴക്കേല്‍ എന്നിവരുടെ നേതൃത്വത്തിലാണ് വിവിധ പാര്‍ട്ടി നേതാക്കളും പ്രവര്‍ത്തകരും കേരള കോണ്‍ (എം) – ല്‍ ചേര്‍ന്നത്. കേരള കോണ്‍ഗ്രസ് (എം) ചെയര്‍മാന്‍ ജോസ്.കെ.മാണി പാര്‍ട്ടി അംഗത്വം നല്‍കി സ്വീകരിച്ചു.
മൂന്നിലവ് പഞ്ചായത്തിലെ വിവിധ രാഷ്ട്രീയ പാര്‍ട്ടികളിലും സംഘടനകളിലും പ്രവര്‍ത്തിച്ചിരുന്ന നൂറുകണക്കിന് പേര്‍ കേരള കോണ്‍.(എം-)ല്‍ അംഗത്വമെടുത്തു. പഞ്ചായത്ത് അംഗം ജോളി ടോമി കുളത്തിനാല്‍ പാര്‍ട്ടി അംഗത്വം സ്വീകരിച്ചു.
തഴക്കവയല്‍ വാര്‍ഡില്‍ നിന്നുമാണ് ജോളി വിജയിച്ചത്. ഇതോടൊപ്പം പഞ്ചായത്തിലെ ജനകീയ കൂട്ടായ്മ നേതാക്കളായ രാജീവ് ചന്ദ്രന്‍ ,മെല്‍ബിന്‍ വയംമ്പിളളി, എ ബി താളനാനി എന്നിവരും നിരവധി സംഘടനാ പ്രവര്‍ത്തകരും കേരള കോണ്‍ഗ്രസ് (എം-ല്‍ അംഗത്വം സ്വീകരിച്ചു.
കേരള കോണ്‍. (എം) ചെയര്‍മാന്‍ ജോസ്.കെ.മാണി ഇവര്‍ക്ക് അംഗത്വം നല്‍കി സ്വീകരിച്ചു. സമ്മേളനത്തില്‍ പ്രൊഫ. ലോപ്പസ് മാത്യൂ അദ്ധ്യക്ഷത വഹിച്ചു.
ടൈറ്റസ് പുന്നപ്ലാക്കല്‍, അജിത് ജോര്‍ജ്, ജോയി അമ്മിയാനി ജോതിഷ് എബ്രാഹം, അഭിലാഷ് കൈപ്പള്ളി, എ ബിന്‍ കണ്ടത്തില്‍ എന്നിവര്‍ പ്രസംഗിച്ചു.
പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും അറിയാന്‍ വാട്‌സാപ് ഗ്രൂപ്പില്‍ ജോയിന്‍ ചെയ്യൂ… GROUP 19