കാഞ്ഞിരപ്പള്ളി ജനറൽ ആശുപത്രിയുടെ അടിസ്ഥാന സൗകര്യ വികസനത്തിനായി യോഗം ചേർന്നു

കോട്ടയം:കാഞ്ഞിരപ്പള്ളി ജനറൽ ആശുപത്രിയുടെ അടിസ്ഥാന സൗകര്യ വികസനത്തിനും ഉടൻ ആരംഭിക്കാൻ പോകുന്ന കാത്ത് ലാബിന്റെ പ്രവർത്തനത്തിന് ആവശ്യമായ സഹായം എന്നിവയ്ക്ക് വേണ്ടി പ്രദേശത്തെ വിവിധ സന്നദ്ധ സംഘടനയുടെ പ്രതിനിധികളുടെ യോഗം കാഞ്ഞിരപ്പള്ളി ജനറൽ ആശുപത്രിയിൽകൂടുകയുണ്ടായി.

വാഴൂർ ബ്ലോക്ക്‌ പഞ്ചായത്ത്‌ പ്രസിഡന്റ് മുകേഷ് കെ മണിയുടെ ആധ്യക്ഷതയിൽ ചേർന്ന യോഗത്തിൽ ഗവ: ചീഫ് വിപ്പും കാഞ്ഞിരപ്പള്ളി  MLA യുമായ  ഡോ..എൻ ജയരാജ്‌  യോഗം ഉദ്ഘാടനം ചെയ്തു സംസാരിച്ചു.

സംസ്ഥാന ഓർഫനേജ് കൺട്രോൾ ബോർഡംഗം ഫാദർ റോയി മാത്യു വടക്കേൽ, വാഴൂർ  ബ്ലോക്ക്‌ പഞ്ചായത്ത്‌ അംഗങ്ങളായ ഷാജി പാമ്പൂരി, ബി രവീന്ദ്രൻ നായർ ,വാർഡംഗവും ചിറക്കടവ് ഗ്രാമപഞ്ചായത്ത് ആരോഗ്യ-വിദ്യാഭ്യാസ സ്റ്റാർഡിങ്ങ് കമ്മിറ്റിയംഗവുമായ  ആന്റണി മാർട്ടിൻ, വിവിധ സന്നദ്ധ സാമൂഹിക സംഘടനകളായ സ്വരുമ ചാരിറ്റബിൾ സൊസെറ്റി, വ്യാപാരി വ്യവസായി ഏകോപന സമിതി, കാഞ്ഞിരപ്പള്ളി നൈനാർ സെൻട്രൽ ജമാ അത്ത്, റോട്ടറി ക്ലബ്ബ് ,ലയൺസ് ക്ലബ്ബ്  ,JCI ഇൻ്റർനാഷണൽ ,ദയാപാലീയേറ്റീവ് , KMA, KMC, ആസർ ഫൗണ്ടേഷൻ, KHRA ,KRA ,കരിപാപ്പറമ്പിൽ കുംടുംബയോഗം എന്നീ സംഘടനാ ഭാരവാഹികൾ യോഗത്തിൽ പങ്കെടുത്തു സംസാരിച്ചു.

പ്രസ്തുത യോഗത്തിൽ സൂപ്രണ്ട് Dr.ശാന്തി ,മുൻ സൂപ്രണ്ട് Dr ബാബുസെബാസ്റ്റ്യൻ ,RMO Dr.രേഖ ശാലിനി , Dr. നിഷ മൊയ്‌ദീൻ ,നേഴ്സിങ് സൂപ്രണ്ട് ഷീല  എന്നിവർ ആശുപത്രിയുടെ നിലവിലെ അവസ്ഥ വിശദീകരിക്കുകയുണ്ടായി.ആയതിന്റെ അടിസ്ഥാനത്തിൽ യോഗത്തിൽ പങ്കെടുത്ത വിവിധ സന്നദ്ധ സംഘടനയിലെ ഭാരവാഹികൾ ആശുപത്രിയുടെ നിലവാരം മെച്ചപ്പെടുത്തുന്നതിനു ആവശ്യമായ സഹായം ചെയ്തുതരാം എന്ന് ഉറപ്പ് നൽകുകയും കാഞ്ഞിരപ്പള്ളി സ്വരുമ ചാരിറ്റബിൾ സൊസെറ്റി ഭാരവാഹികൾ  ഒരു ലക്ഷം രൂപ സംഭാവനയായി നല്കാമെന്ന് യോഗത്തെ അറിയിക്കുകയും ചെയ്തു.

സംസ്ഥാന ഓർഫനേജ് കൺട്രാൾ ബോർഡംഗം ഫാദർ  റോയി മാത്യു വടക്കേലിൻ്റ  നേതൃത്വത്തിൽ ആശുപത്രിയിൽ കേടുപാട് സംഭവിച്ച കട്ടിൽ, മേശ, വീൽ ചെയർ, ട്രോളി എന്നിവ കേടുപാടുകൾ തീർത്ത്  പെയിന്റ് ചെയ്തു ഉപയോഗയോഗ്യമാക്കുന്ന  നടപടികളും നടന്നു വരുന്നു.