Erattupetta News

ബലിപെരുന്നാളുമായി ബന്ധപ്പെട്ട് ഈരാറ്റുപേട്ട നഗരസഭ എടുത്ത തീരുമാനങ്ങൾ

ഈരാറ്റുപേട്ട :നഗരസഭ കൗൺസിൽ ഹാളിൽ കൂടിയ യോഗത്തിൽ  നഗരസഭയിലെ ബലി പെരുന്നാൾ ബന്ധപ്പെട്ട് സുപ്രധാന തീരുമാനങ്ങൾ എടുത്തു.

ചെയർപേഴ്സൺ സുഹുറ അബ്ദുൽ ഖാദർ, വൈസ് ചെയർമാൻ അഡ്വ. മുഹമ്മദ് ഇല്യാസ്, മുൻസിപ്പൽ സ്റ്റാന്റിങ് കമ്മിറ്റി അംഗങ്ങൾ,മഹല്ല് പ്രസിഡണ്ടുമാർ, ഇമാമീങ്ങൾ പോലീസ് ഉദ്യോഗസ്ഥർ ആരോഗ്യ പ്രവർത്തകർ തുടങ്ങിയവർ യോഗത്തിൽ പങ്കെടുത്തു.

തീരുമാനങ്ങൾ

1) പെരുന്നാൾ നമസ്കാരത്തിനായി പള്ളിയിലേക്ക് വരുന്നവർ നമസ്കാര സമയത്തോട്കൂടി വീട്ടിൽനിന്ന് അംഗശുദ്ധി വരുത്തി മാസ്ക് ധരിച്ച്,മുസല്ല സ്വന്തമായി കൊണ്ടുവന്ന് പള്ളികളിൽ എത്തുകയും. സാനിറ്റൈസർ ഉപയോഗിക്കുകയും, സാമൂഹിക അകലം പാലിച്ച് നമസ്കാരം നിർവഹിക്കേണ്ടതുമാണ്.

2) നമസ്കാരം കഴിഞ്ഞാൽ പള്ളിയുടെ സമീപത്ത് കൂട്ടംകൂടി നിൽക്കുവാൻ പാടില്ല. നമസ്കാരം കഴിഞ്ഞാൽ ഉടൻ തന്നെ വീട്ടിലേക്ക് പിരിഞ്ഞു പോകേണ്ടതുമാണ്.

3)ബലി കർമത്തിലും വിതരണത്തിനും പങ്കെടുക്കുന്നവർ ഡബിൾ വാക്സിൻ എടുത്ത വരോ, അടുത്ത ദിവസങ്ങളിൽ ആന്റിജൻ ടെസ്റ്റിന് വിധേയരായവരോ ആയിരിക്കണം, സാമൂഹിക അകലം കൃത്യമായും പാലിക്കേണ്ടതുമാണ്.

4) പള്ളികളിൽ പ്രവേശിക്കുന്നവരുടെ എണ്ണം പരമാവധി 40 ആയി നിജപ്പെടുത്തിയിട്ടുണ്ട്.

5) പ്രായമുള്ളവർ രോഗികൾ പത്തുവയസ്സിൽ താഴെ പ്രായമുള്ള കുട്ടികൾ എന്നിവർ യാതൊരു കാരണവശാലും പള്ളികളിലെ നമസ്കാരത്തിൽ പങ്കെടുക്കാൻ പാടുള്ളതല്ല.

Leave a Reply

Your email address will not be published.