എലിക്കുളം; എല്‍.ഡി.എഫ് സര്‍ക്കാര്‍ നടപ്പാക്കിയ ക്ഷേമപദ്ധതികള്‍ യു.ഡി.എഫ് അണികളും അംഗീകരിച്ചതായും പിന്തുണയ്ക്കുന്നതായും ജലവിഭവ വകുപ്പു മന്ത്രി റോഷി അഗസ്റ്റിന്‍ പറഞ്ഞു.
എലിക്കുളം പഞ്ചായത്തിലെ ഇളങ്ങുളത്ത് ഉപതെരഞ്ഞെടുപ്പില്‍ മത്സരിക്കുന്ന എല്‍.ഡി.എഫ് സ്ഥാനാര്‍ത്ഥി ടോമി ഇടയോടിയുടെ പ്രചാരണ യോഗത്തില്‍ പങ്കെടുത്ത് പ്രസംഗിക്കുകയായിരുന്നു ജലവിഭവ വകുപ്പു മന്ത്രി.
ആരോഗ്യം, കുടിവെള്ളം, വിദ്യാഭ്യാസം, ഭവന നിര്‍മ്മാണം എന്നിവയ്ക്ക് മുന്‍ഗണന നല്‍കിയുള്ള പദ്ധതികളാണ് സര്‍ക്കാര്‍ നടപ്പാക്കുന്നത് ദുരിതം വിതച്ച കോവിഡ് മഹാമാരി കാലത്ത് സര്‍ക്കാര്‍ പട്ടിണിയില്ലാത്ത കേരളത്തെ സൃഷ്ടിച്ചതായി അദ്ദേഹം പറഞ്ഞു.
തമ്മിലടിച്ചും കുതികാല്‍ വെട്ടിയും യു.ഡി.എഫ് ശിഥിലമായതായി യോഗത്തില്‍ പങ്കെടുത്ത ഗവ: ചീഫ് വിപ്പ് ഡോ.എന്‍.ജയരാജ് പറഞ്ഞു.യോഗത്തില്‍ തോമസുകുട്ടി വട്ടയ്ക്കാട്ട് അദ്ധ്യക്ഷത വഹിച്ചു.
എല്‍.ഡി.എഫ് നേതാക്കളായ തോമസ് ചാഴികാടന്‍ എം.പി, എം.എല്‍.എല്‍.മാരായ ജോബ് മൈക്കിള്‍, അഡ്വ.സെബാസ്‌റ്യന്‍ കുളത്തുങ്കല്‍ ,പഞ്ചായത്ത്പ്രസിഡണ്ട് എസ് ഷാജി, സാജന്‍ തൊടുക, കെ സി സോണി, വി വി ഹരികുമാര്‍, രാജന്‍ ആരംപുളിയ്ക്കല്‍ എന്നിവര്‍ പ്രസംഗിച്ചു.
കഴിഞ്ഞ പഞ്ചായത്ത് തിരഞ്ഞെടുപ്പിനു ശേഷം നടക്കുന്ന പ്രഥമ ഉപതെരഞ്ഞെടുപ്പാണ് എലിക്കുളം പഞ്ചായത്തിലെ പതിനാലാം വാര്‍ഡായ ഇളംങ്ങുളത്ത്. മുന്‍ പഞ്ചായത്ത് അംഗം കൂടിയായിരുന്ന ടോമി ഇടയോടിയില്‍ കേരളാ കോണ്‍ഗ്രസ്സ് ( എം ) യാണ് ഇവിടെ എല്‍.ഡി.എഫ് സ്ഥാനാര്‍ത്ഥി എല്‍.ഡി.എഫ് ശക്തമായ പ്രചാരണമാണ് ഇവിടെ നടത്തുന്നത്.
പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും അറിയാന്‍ വാട്‌സാപ് ഗ്രൂപ്പില്‍ ജോയിന്‍ ചെയ്യൂ… GROUP 19
