മുഖ്യമന്ത്രിയുടെ നേതൃത്വത്തിൽ നടത്തിയ സ്വർണകളളക്കടത്തിനെക്കുറിച്ചും , കറൻസി കടത്തിനും എതിരെ ആരോപണം ഉയർന്ന സാഹചര്യത്തിൽ രാജിവയ്ക്കാതെ തന്റെ കുറ്റം മറച്ച് വച്ച് ഗുണ്ടകളെ ഇറക്കി പ്രതിരോധിച്ചാൽ കൈയും കെട്ടി നോക്കിയിരിക്കില്ലെന്നും, ഒരു കളർ വസ്ത്രധാരണത്തിനും, മാസ്കിനും വരെ വിലക്ക് ഏർപ്പെടുത്തിയും,തന്റെ പരിപാടികളിൽ പങ്കെടുക്കാൻ മണിക്കൂറുകളോളം ജനങ്ങളെവഴി തടഞ്ഞ് മാർഗ്ഗം തടസപ്പെടുത്തിയും,കേരള ജനതയോട് കാണിക്കുന്ന ധിക്കാര നടപടികൾ ഭരണഘടനയോടും സംസ്കാരത്തിനോടും കാണിക്കുന്ന അവഹേളനം കണ്ടില്ലെന്ന് നടിക്കാൻ യൂത്ത്ഫ്രണ്ടിനാവില്ലെന്നും പിണറായി വിജയൻ രാജിവച്ച് ഒഴിയും വരെ ശക്തമായ പ്രതിഷേധ സമരങ്ങളുമായി മുന്നോട്ട് വരുമെന്നും കേരളാ യൂത്ത്ഫ്രണ്ട് സംസ്ഥാന വൈസ് :പ്രസിഡൻറ്ഡിജു സെബാസ്റ്റ്യൻ.
യൂത്ത് ഫ്രണ്ട് കോട്ടയം ജില്ലാ കമ്മറ്റിയുടെ നേതൃത്വത്തിൽ സാമ്പത്തിക ദാരിദ്ര്യം അനുഭവിക്കുന്ന പിണറായി വിജയൻ കേരളത്തിന് അപമാനകരമായ സ്വർണ്ണ കള്ളക്കടത്ത് ഇനിയെങ്കിലും അവസാനിപ്പിക്കണമെന്ന് ആവശ്യപ്പെട്ടുകൊണ്ട് യൂത്ത് ഫ്രണ്ട് പ്രവർത്തകർ കോട്ടയം ടൗണിലൂടെ ബിരിയാണി ചെമ്പിൽ പിച്ച തെണ്ടി സമാഹരിച്ച പണം പിണറായി വിജയന് മണിയോർഡറായി കോട്ടയം ഹെഡ് പോസ്റ്റോഫീസിൽ നിന്നും അയയ്ക്കുന്ന സമരത്തിൽ പങ്കെടുത്ത് സംസാരിക്കുകയായിരുന്നു അദ്ധേഹം.
യു ഡി ഫ് ജില്ലാ ചെയർമാൻ സജി മഞ്ഞകടമ്പിൽ ഉത്ഘാടനം ചെയ്തു. യൂത്ത് ഫ്രണ്ട് കോട്ടയം ജില്ലാ പ്രസിഡൻറ് ഷിജു പാറയിടുക്കിൽ അധ്യക്ഷതവഹിച്ചു. പാർട്ടി ഉന്നതാതി കാരസമിതി അംഗം പ്രിൻസ് ലൂക്കോസ്, യൂത്ത് ഫ്രണ്ട് സംസ്ഥാന പ്രസിഡന്റ് അജിത് മുതിരമല, പാർട്ടി ജനറൽ സെക്രട്ടറി ജോയി ചെട്ടിശേരി, കുര്യൻ പി കുര്യൻ, ഷിനു പാലത്തുങ്കൽ, ജോമോൻ ഇരുപ്പക്കാട്ട്, നോയൽ ലൂക്ക് പെരുമ്പാറയിൽ, ഷിജു പാറക്കുളം, നിജോ ജോസ്, ജോബിസ് ജോൺ കിണറ്റുങ്കൽ , അഭിഷേക് ബിജു, ടോം ജോസഫ്, അമൽ പി ബാബു, ബിനു സെബാസ്റ്റ്യൻ, ജ്യോതിഷ്മോഹനൻ , ഗോപകുമാർ, സാബു എൻ ജി, അഭിലാഷ് തുടങ്ങിയവർ പ്രസംഗിച്ചു.
