കോട്ടയം: ജില്ലയില്‍ 18 വയസിനു മുകളിലുള്ളവരുടെ ഒന്നാം ഡോസ് വാക്‌സിനേഷന്‍ പൂര്‍ത്തീകരിക്കുന്നതിന്റെ ഭാഗമായി 90 ശതമാനം പേര്‍ക്കും ഒന്നാം ഡോസ് വാക്‌സിന്‍ നല്കിക്കഴിഞ്ഞ ഏഴു പഞ്ചായത്ത് പരിധികളിലെ വാക്‌സിനേഷന്‍ കേന്ദ്രങ്ങളില്‍ സെപ്റ്റംബര്‍ 11, 13 തീയതികളില്‍ ഒന്നാം ഡോസ് വാക്‌സിന്‍ എടുക്കേണ്ടവര്‍ക്ക് സ്പോട്ട് ബുക്കിങ് അനുവദിക്കും.
പ്രസ്തുത തദ്ദേശസ്ഥാപന പരിധിയിലുള്ളവര്‍ക്കു മാത്രമായിരിക്കും സൗകര്യം അനുവദിക്കുക.
1) മുണ്ടന്‍കുന്ന് സാമൂഹ്യ ആരോഗ്യ കേന്ദ്രം,(അകലക്കുന്നം ഗ്രാമ പഞ്ചായത്ത്,) ,
2) തൊണ്ണന്‍കുഴി ഗവണ്‍മെന്റ് എല്‍ പി എസ് (ആര്‍പ്പൂക്കര ഗ്രാമ പഞ്ചായത്ത്)
3) കടപ്ലാമറ്റം സാമൂഹ്യ ആരോഗ്യ കേന്ദ്രം (കടപ്ലാമറ്റം ഗ്രാമ പഞ്ചായത്ത്)
4) കാണക്കാരി പ്രാഥമിക ആരോഗ്യ കേന്ദ്രം (കാണക്കാരി ഗ്രാമ പഞ്ചായത്ത്)
5) സെന്റ് ജോസഫ് എല്‍ പി എസ് (ഞീഴൂര്‍ ഗ്രാമ പഞ്ചായത്ത്)
6) തലനാട് പ്രാഥമിക ആരോഗ്യ കേന്ദ്രം (തലനാട് ഗ്രാമ പഞ്ചായത്ത്)
7) തലയാഴം പ്രാഥമിക ആരോഗ്യ കേന്ദ്രം (തലയാഴം ഗ്രാമ പഞ്ചായത്ത്)
ഈ പ്രദേശങ്ങളിലെ വാക്‌സിനേഷന്‍ കേന്ദ്രങ്ങളില്‍ ഒന്നാം ഡോസ് വാക്‌സിനെടുക്കാന്‍ മുന്‍കൂട്ടി ബുക്ക് ചെയ്യാതെ നേരിട്ടെത്തി വാക്‌സിന്‍ എടുക്കാവുന്നതാണ്.
പാലായിലെയും സമീപ പ്രദേശങ്ങളിലെയും വാര്‍ത്തകളും ജോലി സാധ്യതകളും അറിയാന്‍ വാട്‌സാപ് ഗ്രൂപ്പില്‍ ജോയിന്‍ ചെയ്യൂ… GROUP 19